係附近大型商場捧完湯哥場，場內餐廳選擇未有心水，行落附近其他街發現呢間食川菜，新店開張仲有九折，望入店內環境明亮，刺激一下味蕾都好喎
有香鍋配搭亦有小菜類，各色其式
今晚就點咗D大路菜式
食川菜如果係蔬菜類，除咗乾煸四季豆外，呢客大盆花菜 ($78)都係我歡喜點嘅。花菜即係福花，就咁白烚都味道鮮甜，加埋惹味醬汁與腩片一齊炒，相當好送飯。
之後到京蔥牛肉 ($98)配6塊饃饃皮
食法就係食北京填鴨咁樣，將香甜京蔥加嫩滑牛肉放上去饃饃皮包住食，醬汁一滴都無浪費，一口有齊軟身饃皮，爆汁京蔥及惹味牛肉，兩啖食晒一件，正呀。
壓軸出場係呢鍋川香鮑魚雞煲 ($168/半隻)，可選唔辣/麻辣/香辣，我呢要咗香辣，放上枱已經聞到香味。
鮑魚連殼一齊煮，起肉都唔算麻煩，但若然唔連殼就仲方便D。除掉內臟就食得，入口彈牙之餘帶點嚼口，一隻放晒入口慢慢食，夠豪氣。
鷄件沾滿惹味醬汁，微辣令人愈食愈上癮，單食都唔會味過濃，配碗白飯就仲GOOD。
飲埋汽水埋單都唔駛四百元，有鮑魚有鷄有牛又有菜，重口味得黎食完又唔會太口渴。
#food #foodie #foodblog #MK #spicy #川菜 #新開張 #有九折 #麻辣香鍋
contact me : gingerszeto@yahoo.com.hk
沒有留言:
張貼留言