烚下烚下啦喂@八重櫻鍋屋

天氣凍凍地, 首推緊係打邊爐, 今次黎到呢間八重櫻鍋屋 Sakura Shabu Shabu, 提供數款價錢選擇 ($108 - $518 A5黑毛和牛), 肉類選擇有牛, 豬及鷄, 任食90分鐘 (包甜品及咖啡汽水)

我地選擇呢個澳洲和牛及特級豚肉 (期間限定 - 星期一至五)

選好湯底(昆布清湯), 先黎澳洲和牛一盤, 肉質望落幾靚仔, 稍為淥一淥就食得, 配以芝麻醬一齊食, 唔錯!

呢盤係特級豚肉, 外型亦算靚仔, 唔太肥, 薄薄一片淥完食都唔嚡口

出面既自助區亦提供各丸類, 蔬菜及烏冬年糕, 食埋北海道牛奶雪糕, 絶對令你肚圍吋數增加

地址: 將軍澳唐德街9號將軍澳中心1樓123號
contact me :  gingerszeto@yahoo.com.hk

來吃冬至飯@彩晶軒

之前食過幾次晚飯,  感覺唔錯, 冬至飯於是再次幫襯,  到今次先發現係好彩集團其下酒樓

冬至飯, 梗要食豐富D, 大家你一言我一語後, 得出以下菜式 :
北京填鴨 (二食)
切片食, 帶少少肥膏, 上菜時已凍左少少, 好彩個粉包皮仲熱, 補不足

炒鴨鬆(生菜包)
味道單食就頗濃味, 但包埋爽脆生菜就岩岩好

芝士焗龍蝦
龍蝦肉大量, 肉質彈牙, 配以香滑芝士汁加伊面底, 好快被掃光

大斑兩食, 包西芹炒斑球及清蒸頭腩
份量好足, 但魚肉味道一般, 反而西芹炒得幾好食

千島香芒貴妃巨蝦球 (一客大約有6隻)
呢款係每次黎都必叫, 蝦球彈牙, 一隻要2-3啖先食完, 配以香甜芒果醬加少少火箭菜, 正!

香燒豬肋骨
無論賣相及味道似街買既燒排骨, 個人覺得偏咸, 要叫返杯可樂加冰黎解咸

要為飯局劃上完美句號, 點少得甜品呢?!  個人推介焦糖燉疍

侍應招呼週到, 加水換碟自動波, 讚^^
彩晶軒: 黃大仙現崇山商場二樓

contact me :  gingerszeto@yahoo.com.hk

好康推介@MENARD套裝大優惠

又到聖誕...............又到聖誕, 黎到年尾當然要獎勵/慰勞自己及身邊既親友, 護膚品一定會係十大必買之一, 邊個唔想KEEP住靚靚皮膚去迎接各大少聖誕及新年PARTY
高級日本化妝及護膚品品牌 －MENARD，以“Seeking True Beauty”為目標，始創於名古屋，五十多年來研發多於900種產品，其中以培植生化靈芝和開發產品專利最為聞名。現已發展成為日本最大化妝品牌，享負盛名，市場遍佈亞洲、中東、北美洲及歐洲。

MENARD誠意為愛美既女士準備最好的聖誕禮品！五十多年科研結晶皇牌產品，讓您的肌膚在乾燥的冬日保持水嫩潤澤、細滑緊緻。聖誕禮品套裝低至七折，更送出多項禮品，非常吸引！
依加就可透過網頁https://hk.affilix.tv/p?c=CM_2&m=kimmy申請優惠卷， 通過Facebook認證每人發放兩張優惠卷（申請後可立刻透過網站上看到或從收到的電郵中開啟優惠卷網頁）。
兩張優惠卷內容：
一）購買任何聖誕套裝可多 獲一個皇牌產品試用裝；或正價產品全部九折優惠

二）領取BEAUNESS温泉礦物健膚精華迷你裝30ml一支（價值HKD120）
呢支温泉礦物健膚精華, 有效鎮靜皮膚, 係品牌既皇牌產品黎架, 我自己都有用過, 絶對誠意推介你試用

多款聖誕套裝的激減、九折優惠機會非常難得、加上無需購物都可以免費得到BEAUNESS迷你裝, 身為精明又美麗既妳, 又點可以錯過呢個入貨既好時機?! 
祝大家有一個快樂聖誕.........................
溫馨提示: 聖誕套裝優惠期由即日起至2015年12月31日
專門店地址 :
銅鑼灣世貿中心地下G007號舖
旺角MOKO新世紀廣場1樓158號舖
尖沙咀K11地庫二樓B204號

以上內容純個人分享
contact me :  gingerszeto@yahoo.com.hk

性價比高@米線陣

二人以米線作晚餐, 除左譚字頭, 仲有呢間米線陣作選擇, 有幾間分店, 呢間係位於將軍澳

餐牌上除左有自選配料作散叫外, 仲有一人餐供應, 我地就每人叫左一個
一人餐包括自選米線(有數款配料/湯底供選擇)
我地各自叫左(木耳雲吞配酸辣湯底, 每碗米線都有少量腐皮及芽菜)
酸辣湯味道好搶, 酸辣度好岩我口胃, 而木耳爽口及雲吞係有鮮蝦, 正!

另一款係豆卜肥牛配蕃茄湯
未食已聞到香甜蕃茄味, 肥牛亦唔算好肥, 唯份量少左D

套餐仲包埋三款小食, 麻辣海蜇, 蒜香青瓜, 其中一款可選豬軟骨/口水鷄, 我地二人每款叫一樣

仲包埋特飲, 識飲當然叫青檸梳打

呢款滋味一人餐價錢($72), 唔駛加一, 米線份量都唔算少, 食晒成個餐真係好飽^^

contact me :  gingerszeto@yahoo.com.hk

時刻擁有好面色@Dr.Jart+時空迴轉蝸牛系列

自從用過BB Cushion後, 方便易用既優點令我每日都愛上佢, 尤其係用於返工趕忙出門口時! 有鑑於近日天氣轉冷, 濕度降低, 要用隻補濕度高既會岩D
Dr.Jart+全新時空迴轉蝸牛修護氣墊BB霜Time Returning BB Cushion SPF50+ PA+++
集保濕、遮瑕、修護於一身，化妝同時護膚，一個步驟攪掂哂，最適合忙碌的香港女仔。

水潤柔滑的質感更有效地遮蓋瑕疵和不均勻膚色, 配方蘊含20%黃金蝸牛黏液萃取物有效預防皺紋, 抗氧化及提升肌膚彈性, 再以50%保濕成分(諾地那水, 玻尿酸)為肌膚補水
$336/15 x 2 (額外包補充裝一盒, 好抵用呀) 金色圓形盒子, 內附粉撲一個, 顏色為02 Light-medium
板狀粉末, 令妝容更貼服及持久潔淨
防曬度有SPF50+/PA+++, 用於返工/行街都足夠有餘

容易塗抺, 用後皮膚變得亮白均勻, 遮瑕程度就一般

天氣咁乾, 勤用補濕面膜是常識吧
Dr.Jart+同時為系列加入另一位新成員 – 全新時空迴轉蝸牛修護面膜Time Returning Facial Mask ($264/10片)

蘊含蝸牛黏液及海藻萃取物，有效刺激細胞更新及重塑肌膚結構，進一步修護肌膚。面膜能持久貼服肌膚，成份有效刺激細胞更新及重塑肌膚結構，同時強效保濕，令肌膚變得柔滑細緻，疲倦肌膚回復活力光采。
潔面及爽膚後, 敷上面10-20分鐘後除下, 以指尖輕拍面部有助餘下精華吸收, 無需過水

用後皮膚變得潤滑及更有彈性
全線莎莎獨家代理及發售

有關產品由品牌提供, 內容純個人感受/分享
contact me :  gingerszeto@yahoo.com.hk

邊食邊HEA@慕茶

觀塘區已經化身為搵食好據點, 區內工業大廈既樓上CAFE真係愈開愈多, 今晚就黎度呢間主打茶同甜品既慕茶CAFE

 佈置以綠白為主調, 比人一種園野清新感覺, 望下張宣傳板, 提供雪糕車及雪糕人力車服務, 又幾特別喎

雖然主打係茶及雪糕甜品, 但亦有供應意粉及小食呢類鹹食, 係呢度由主菜到甜品都照顧週到

先黎一個紅酒醋粟米吞拿魚沙律($56)
 沙律菜爽脆, 配以醒胃醋汁加煙肉脆粒, OK!

呢款黑松露三文魚忌廉汁天使麵($78)係"慕茶推介", 果然無推介錯, 好香黑松露味, 天使麵軟硬度適中, 連香滑忌廉汁加煙三文魚一齊食.......正!

唔知幾時開始, All Day Breakfast 仿似係CAFE不同缺少既例菜, 當然要"入鄉隨俗"啦
呢份傳統全日早餐($82), 賣相吸引, 份量夠晒豐富, 食晒都好飽
尤其欣賞佢條黑椒腸仔, 好惹味; 若然塊煙肉可以再煎脆口D就仲好

食完主菜, 點都要試下D甜品, 點選慕茶心太軟配自選雪糕一球 ($72)
等候時間要20分鐘(下次可以就黎食完主菜就落單)
心太軟可選玫瑰, 抺茶及紫薯!  我地選紫薯配玄米茶雪糕
好有紫薯味, 味道偏甜, 但配以淡口味既玄米茶雪糕就岩岩好中和, 對於我地呢個"自選組合"會比掌聲

店內提供Wi-Fi服務, 咁就可以係店內嘆耐D都無問題啦
同Gimme-Fi合作推廣, 登入Wi-Fi, 就有人氣甜品半價優惠啦

地址: 觀塘開源道55號開聯工業中心A座725-26室

contact me :  gingerszeto@yahoo.com.hk

減淡幼紋確OK@Neogence 全能緊緻活膚霜Perfect Firming Renew Cream

終於感受到少少秋冬季既到來, 乾燥天氣加上年紀問題, 乾紋變得顯眼咗, 一般補濕產品未能真正有效減淡細紋, 剛收到來自台灣Neogence 既呢盒金黃包裝小盒子..........
Neogence 全能緊緻活膚霜Perfect Firming Renew Cream ($348/50ml)

含有OSILIFT+SYN-HYCAN成分

瞬間形成3D立體網膜，層層撐起豐潤美肌，加上維他命A衍生物深入肌膚底層，更新老化細胞，雙重胜肽專利撫紋配方有助促進膠原蛋白增生，平滑肌膚紋理。
產品附設膠棒, 取份量時就較方便衛生

面霜質地柔滑易推

測試減淡細紋, 效果理想

塗搽面上, 無敏感情況出現, 亦易於被皮膚所吸收!  用後皮膚回復亮澤感, 紋埋變得減淡

全線莎莎獨家代理及發售
是次產品由theZtyle.com提供

contact me :  gingerszeto@yahoo.com.hk