輕輕鬆鬆燒一燒@巴巴串

 酷熱天氣持續，令人對燒烤嘅渴求冷卻咗。估唔到食力組組員話可以解決問題。

 

有冷氣，個爐可以自動轉動，唔駛自己出手就有川串燒食，超級慳水慳力。放工就相約係呢間見面。

 

三個價錢套餐，未試過通常都會選中間價位嘅，咁就係B餐 (任食2個鐘，$298位)啦，有美國安格斯牛放題。如果想食極黑和牛，羊架及松葉蟹腳，就可以選擇C餐。

 

侍應會送上呢盤安格斯牛柳粒，安格斯封門柳，安格斯牛板腱，無激素豬腩肉，鷄泡魚乾及扇貝。

 

其餘嘅串燒鷄肉/鷄翼/丸類/多春魚/蔬菜類/海鮮類就去呢度自取，食幾多拎幾多，唔會浪費食物。

 

呢客日本和牛係送嘅，肉色及油脂分佈確係靚仔

 

放上網上快燒兩邊就食得，鬆化及帶油脂香。

 

蒜味鷄翼身型飽滿，用黎燒點會唔好味?!

點擊圖片放大

自助吧任食，分別有前菜如中華沙律，蒜味螺肉，泰式鳯爪及各式炸物

 

估唔到見到有凍盤海鮮如熟海蝦，翡翠螺及藍青口。為求令你等緊串燒食得前，個咀食唔停。

 

仲有一系列即叫即製嘅小食，自己填紙就可以。咁就係咁易叫吓椒鹽燒賣，炸單骨鷄翼，泰式魚餅及扭扭薯條。

 

各式凍飲自己去雪櫃拎，亦有提供清熱五花茶及熱茶。

 

仲有多種味道港式雪糕雪條。

 

另有甜品櫃，有啫喱糖，奶凍，精緻蛋糕仔。我就選咗奶凍，細細杯一試無妨。

 

當然為咗要留位比棉花糖啦，燒烤又點少得燒棉花糖架，仲有自動轉燒，放低好快就有得食。外脆內軟又香甜，用佢黎做呢餐句號，正呀。

#foodblog #foodie #foodiehk #bbq #kwuntong

不能錯過的意粉及甜品@Four O Five Coffee & Eatery

 唔少餐廳食店都開係呢區工業大廈，一不留神又或者無人介紹就好易錯失。多得駐呢區扮工友人帶路，又可以搵到食，今餐食好西。

掃二維碼自助落單，食物種類由小食，肉類，意粉，飽類至特色甜品都有。

 

首先出場係自訂沙律 ($98)，已有基本沙律菜底，可選擇2款喜愛食材加落去。今次我地要咗牛油果及煙三文魚 (另加$10)，醬汁都可自選，要咗日本芥末油醋汁。

 

將牛油果及煙三文魚”變”成花朵，淋上芥末油醋汁，偶爾食到少少辛辣味，加上醋汁微酸味，有埋三色藜麥，胃口少嘅都可以當一份輕主菜。

 

邪惡小食出場……………黑松露蛋黃醬芝士焗薯條 ($78)，單睇餐牌時已經抗拒唔到。

加入黑松露蛋黃醬影響咗少少佢嘅脆度，但呢個拉絲畫面簡直令我心心眼，食到芝士嘅半軟度及咸香味，一條駁一條呢。

 

仲食緊薯條之際，主菜之一嘅蒜片辣椒白酒大蜆意大利粉 ($148)上枱啦。大蜆舖滿意粉上，唔係得幾隻架。

 

蜆肉飽滿，意粉有口感，偶爾食到蒜片，少少辣度，同埋比起其他餐廳出品嘅多咗個湯汁係碟底，又另一種煮法。

 

另一款特色意粉就係韓式泡菜卡邦尼意大利粉配溫泉蛋 ($138)，以泡菜入饌煮嘅意粉真係未食過。

 

將溫泉蛋篤穿再撈均於意粉中就可開動，每條意粉都沾滿濃味醬汁，食到泡菜爽脆感，估唔到同卡邦尼意粉又幾夾架喎。

 

甜品時間到，差唔多每枱必叫嘅梳乎厘係呢度嘅大熱甜品。多款特色味道中，比較鍾情於原味梳乎厘配楓糖漿 ($98)，仲有雜莓與香蕉加忌廉。

 

用叉已經可以分食，先試原味就算加少少糖漿都唔會好甜，質感相當鬆軟。

 

第二啖加埋忌廉，梗香甜鬆軟，正喎。

 #foodie #foodiehk #foodblog #kwuntong #FourOFive

“好”得火鍋@巧得鍋

 就算日日都三十幾度，都無阻港人對火鍋嘅鍾愛。接呢區食力組組員放工，齊齊去呢度滾………………

 

睇緊食咩時，侍應送上免費前菜，係青藤椒涼伴花膠，酸青瓜及脆片。

 

新登場椰青鷄鍋，選用泰國椰青及鬍鬚鷄，清清地都唔錯喎。

 

2-3人叫 ($248/半隻)都夠食呀。上枱後滾返熱就可以先飲碗湯。

 

咪講笑，真係好香椰清味，飲落清甜，仲有大量椰青肉食; 而鷄件入口帶嚼勁，同埋唔會搞都個湯底勁油。

 

人地做$1鷄，呢度做$1手切牛頸脊，只要惠顧晚市正價火鍋，加$1就有原價$238嘅本地手切牛頸脊。

 

絶不欺場，肉色靚仔又夠大碟。

 

牛頸脊肉中分布著油脂，肉味香濃，口感嫩中帶少少嚼口，一片大細岩岩好。

 

火鍋食材點少得丸及餃類，呢度可以作雙拼，咁就算少人都可以食多幾款。

我地點咗自家製韮菜安格斯牛肉餃及手打芝心墨魚丸 ($108)。

 

韮菜安格斯牛肉餃隻隻飽滿，入口有香濃韮菜味道。

 

而手打芝心墨魚丸口感超彈牙，唯芝士味較淡口。

 

友人喜歡食魚，少少地點個脆鯇骨腩 ($68)

每件都相當厚身，入口脆彈。

 

同友人喜歡嘅菜類唔太相同，呢個蔬菜盤 ($68)可以完美解決問題。三款蔬菜，又有菇類，南瓜片，冬瓜及白蘿蔔片，可以各式其色。

 

仲有雪糕糯米糍送上作甜品，今餐選岩咗。

#foodblog #foodie #foodiehk #hotpot #kwuntong