之前食過呢度既二人套餐, 友人對佢念念不忘, 相隔幾個月後再次重臨, 打開升降機門就見到呢個咁吸睛既門面, 霓紅燈招牌加上兩個大花牌, 認真搞鬼!
雖然佢既二人餐性價比相當高, 但都想試下其他菜式, 今晚一於散叫, 打開餐牌由沙律頭盤, 湯類, 海鮮類, 家禽類, 肉類, 意粉焗粉到甜品都包括埋, 勁齊全!
就由呢款水牛芝士及田園沙律配香草車尼茄汁(二人用/$168)開始先, 賣相幾吸引人, 份量亦足夠二人享用, 香軟煙韌既水牛芝士, "浸"入係香草車尼茄汁, 味道酸酸甜甜好醒胃, 亦可減低水牛芝士既膩感, 再有爽脆既沙律菜, 有多種層次, 配搭得唔錯!
今次終終食到呢隻每日限量供應既艾迪乳鴿 ($98), 係呢度既皇牌菜式, 侍應透露呢款BB鴿係預備左6-7小時比佢入味, 再用慢炸方式, 更能保持佢既肉汁, 一咬真係FEEL到D肉汁係口內爆發, D肉好夠味道, 果然係皇牌呀!
上湯啦....................一望到呢碗蟹肉黑松露磨菇湯 ($88), 不期然想講: 究竟係飲湯定食蟹肉呀? 廚師不計成本咁係咁落蟹肉, 啖湯首先係飲到濃郁磨菇味, 再加上有磨菇粒, 幾有口感; 之後再食埋蟹肉, 味道幾鮮甜, 估唔到兩者都夾得埋喎!
主菜有燒原隻法國春鷄 ($188), 話明係春鷄, 唔會太大隻但食落先知係好夠, 肉質嫩滑, 點少少汁食幾滋味, 最欣賞佢燒到個鷄皮香脆口又無脂肪, 食左都唔會有罪惡感
香燒澳洲羊T骨 ($198), 一客有三件羊T骨, 點了五成熟, 切開仍然見到紅色, 食落肉質算嫩口, 羊肉味都幾濃; 喜歡羊既朋友應該會滿意
最後點埋呢個好多人食過都推介既無骨黑毛豬扒焗飯 ($148), 選用既係Iberico黑毛豬, 厚切成條狀, 配以茄汁去焗, 賣相同口感都似食緊牛.......哈....咬落會感到有D油係口腔內爆發, 酸甜茄汁味醬汁會中和肉既肥膩感, 配埋炒飯食果然好好, 啖啖肉無需吐骨, 爽呀!
WOW......今餐乳鴿, 鷄, 羊, 豬都食齊, 肉食組萬歲! 值得一提係呢度既侍應招呼週到, 主動加水及換碟, 比個讚!
西餐大排檔: 銅鑼灣渣甸街50號渣甸中心7樓
contact me : gingerszeto@yahoo.com.hk
我對芝士既鍾愛程度可謂有加無減, 之前係太子食過佢既芝士鷄煲令我念念不忘, 得知香港區有間Deluxe版, 放工後當然要去會一會佢啦!
一出升降機就見到門牌指示, 非常易搵!
皮梳化椅, 坐得幾舒服, 唔會太迫
餐紙上列出超多火鍋配料, 鷄煲有火燄麻辣/黃金之士選擇, 亦有"人氣之選"及"芝士配搭" 推介!
黃金芝士鷄煲 (小/$158), 身為芝士控的我, 每次黎到呢度都必叫既, 大量洋䓤及芫茜墊底, 芝士好快就被熱熔變成醬汁, 包住嫩滑鷄件, 份量岩岩好夠2人食, 唔會好膩, 食完仲可以叫侍應加清湯再繼續火鍋!
火鍋中牛肉之選已經由肥牛轉去食牛頸脊, 呢碟手切新鮮牛頸脊 (小/$208), 小既份量都唔算少喎, 肉色相當鮮艷吸引, 放入湯內烚10秒, 一片肉味濃質感滑既牛頸脊已落入我口裏!
白鱔片 ($88), 雪白既魚肉被切成薄片, 果真適合用作火鍋食材, 烚完又唔會變到好細片, 食落味道幾鮮甜!
花枝片 ($88), 厚薄度適中, 薄身之餘食起上黎都會有D口感, 偏淡味中但食到佢既原味!
呢款由侍應推介既黑松露蟹子魚面 ($138), 好耐都無食過唧魚面, 好玩又好味, 有墨魚粒係裏面, 食落彈牙有咬口, 食時再點少少黑松露蟹子, 鮮味倍增, 果然無介紹錯!
欣賞佢呢到蔬菜及菌類有全/份供應, 夠晒彈性, 呢款娃娃菜 (半份/$22), 半份2個人食都好夠, 鮮甜既娃娃菜烚完有芝士湯香味, 仿佛食緊輕量版既"奶油津白"; 而呢碟竹笙 ($42), 用黎索湯食就一流, 食落爽口無怪味, 推介呀!
佢呢既飲品選擇都唔少, 凍檸茶沖得幾好飲, 不禁飲完再叫多杯; 侍應服務態度良好, 反應夠快; 抽氣系統都做得幾好, 食完件衫都唔會好大陣火鍋味!
米走鷄Deluxe : 銅鑼灣渣甸中心三樓
contact me : gingerszeto@yahoo.com.hk
每日同Domohorn Wrinkle接觸既日子, 不知不覺間原來已經有四個月, 對於Domohorn Wrinkle既初認識, 緣自可免費登記索取試用裝, 從佢地既電視廣告宣傳, 知道佢地產品目標是透過增強肌膚的自我修復能力，預防皺紋和老人斑。心諗............都岩自己用喎!
估唔到幾年後能夠獲邀參加呢個為期四個月既試用計劃, 亦因為呢個試用計劃, 令我加深左對品牌既認識! 欣賞佢地既產品絕不使用合成香料及人造色素。 取而代之的是天然成分。產品經過嚴格的製造過程管理，從原材料的混合至產品包裝都一絲不苟。全部產品由日本生產, 空運到香港都好方便快捷, 如果發現有任何問題, 都會有專人跟進, 咁貼心既售後服務, 當然LIKE啦!
產品由早到晚都照顧到, 開初都擔心咁多支, 自己會否有恆心支支都會用, 亦怕會對皮膚做成負擔, 但用落就知道呢D擔心係多餘既! 產品質地潤而不膩, 全面做到鎖水, 修護及補水功效; 日日Keep住用, 自己係會睇到皮膚質素係逐漸提昇緊, 例如減淡暗黃膚色, 回復應有光澤; 皮膚底層得到滋潤而令毛孔粗大問題亦有所改善, 望落去個人都有年輕感及醒神!
Domohorn Wrinkle每項產品之間能互相產生相乘作用，因此最理想係能夠全線產品同時間使用, 而且跟住包裝上既號碼次序用, 使用在皮膚上發揮最大功效, 繼而提升隨年齡增長而衰退的自我回復喚醒肌膚潛藏的力量。開初跟佢地使用說明書所講既使用/塗搽方法都覺有少少不便, 例如洗面要洗2次, 但試過之後會發現皮膚真的比以前乾淨左; 搽乳液時用雙手包圍住面部, 原來咁樣做係會令皮膚更加吸收乳液! 哈.........人地有圖片顯示點樣用, 確係有道理既! 塗搽份量, 手勢, 可搽既部位一一講解清楚比你知, 照跟足就包無錯啦!
日本產品向來質數有保證, 由潔面, 卸妝, 保濕, 修護, 鎖水, 防曬都照顧到, 只要跟足應有程序, 就可以有效改善皮膚問題, 我得, 你都得~
Domohorn Wrinkle : www.domohornwrinkle.com
產品由品牌提供, 內容為個人感受/分享
contact me : gingerszeto@yahoo.com.hk
約左朋友2017年首次飯局, 當然要搵間特別少少既餐廳, 腦海裏不期然諗到呢間..............................
一出升降機就見到呢個搶眼既招牌光管, 亦見到忙爆既廚師係度埋頭苦幹, 牆上掛上老闆既照片, 感受到佢對食物時堅持及熱誠!
餐廳提供二人套餐/散叫, 食物選擇都唔少, 當然散叫吧!
落單後, 叫左呢2杯係餐廳都幾受歡迎既飲品, Fruit Tea Cooler ($58) 同 Mystery Mocktail ($58), 前者味道酸甜又可以食到水果粒, 後者係以士多梨及藍莓打成既無酒精飲品, 飲到好香莓味!
叫個沙律醒下胃先, 香燒日本吞拿魚腩沙律 ($148), 香燒吞拿魚腩粒到外香內軟, 魚肉入面仍然保持粉紅色, 一舊魚食到2種口感, 咸香既魚肉, 酸味既醬汁, 帶甜味既椰果爆珠, 幾種味道係呢一碟沙律到, 令人有驚喜!
艾迪乳鴿 ($98), 餐廳招牌菜式, 細細隻皮香肉嫩, 鹵水味整得非常入味, 每人半隻當做小食非常好! 侍應建議用手食, 送上濕紙巾抺手!
松露法國原粒磨菇 ($98), 呢款係以法國原粒磨菇配松露忌廉汁, 食時切半片西班牙鮮辣肉腸夾埋磨菇一齊食, 帶淡味又多汁既磨菇同香辣肉腸味道互相配合, 一淡一濃, 呢個配搭幾好!
黑松露磨菇湯 ($68) - 喜歡佢夠晒熱辣辣, 湯內食到不少菇塊, 再加上淋上黑松露醬, 喜歡菇味既朋友千祈唔好錯過!
蟹肉濃湯配鮮蠔杯 ($128), 蟹湯同鮮蠔分開上, 侍應話先飲一半蟹湯, 哇.......味道超濃蟹味, 仲有蟹肉, 跟住一口食蠔SHOOTER (味道似泰式酸汁底, 蠔隻好腍滑), 估佢用意係清洗一下你既味蕾, 然後再飲埋餘下既蟹湯, 減低膩感!
慢燒美國牛肉眼 (約4成熟) ($388), 哇....重量級牛肉眼上枱時都嚇一嚇我地, 咁大塊既? 目測應該有10-12安士, 由於約4成熟, 切開仍然見到有紅色, 配上燒肉汁及芥末, 一放入口食到超濃肉味又夠多汁, 岩晒牛魔王朋友!
燒西班牙黑毛豬「肋條肉」($178), 採用西班牙黑毛豬, 切成肋條肉方便進食, 肉質咬落有嚼頭, 油香係口內爆發, 為減低油膩感, 特設菠蘿粒, 味道酸中帶甜, 食一粒清下口腔都幾唔錯, 一客份量都唔少, 同人HAPPY Share之選!
呢度每食完一道菜侍應都會幫你換碟, 又主動加水, 亦會介紹返每道菜既特色, 令你更了解你食左D咩! 價錢同食物水準及服務態度成正比!
CHEF STAGE de Eddy Chu : 尖沙咀亞士厘道17-19號19樓
contact me : gingerszeto@yahoo.com.hk
不知不覺間使用Domohorn Wrinkle既基本4點已有一段時間, 覺得好用既就當然會每日早晚都用, 由幫皮膚補濕至滋養及鎖水都照顧到, 看得見皮膚質素係有所提升, 望落去有年輕感, 真開心! 哈......
品牌除左有基本4點外, 仲有之前既準備3點, 產品有效去除污垢及修復受損肌膚，令肌膚潔淨無瑕。讓基本4點更容易滲透肌膚底層，發揮最大功效。
第一點: Oil-in-Gel Remover (110g)
溫和地卸除妝容及皮脂污垢，撫平肌膚。
啫喱接觸肌膚後， 會逐漸轉化成油狀， 迅速與彩妝融合。 輕輕按摩， 便能徹底卸除彩妝
配合接近人體皮脂成分之夏威夷果仁種子油， 能加快啫喱於37度的皮膚表面融化成油份
用量: 櫻桃般大小
潔面啫喱變成油狀後，繼續揉擦三分鐘。 先用沾了水的雙手輕按皮膚，直至潔面啫喱變成乳白色（乳化）。然後用清水或暖水充份沖洗， 直至不再感到滑膩。輕易卸除彩妝, 方便易用!
第二點 : Silky Cream Foam (110g)
Silky Foam Cream蘊含有效提升肌膚保濕力的海鰻膠原蛋白。
為加強肌膚吸收，建議連續使用2次。第1次先去除肌膚表面的老化角質，而第2次時，才能深入毛孔清除污垢，並把膠原蛋白帶進毛孔裡去。
在沾了水的手掌上擠出黃豆般大小的潔面泡沫。加上半茶匙的水，然後慢慢加入少量水分，打出濃厚泡沫。
1. 把泡沫塗抹在面上，輕柔地打圈以清潔肌膚。
2. 用清水或暖水徹底沖洗。重複一次以上步驟，打出潔面泡沫，再次清洗。
大量微細而濃密的泡沫，有助高嶺土及絹絲粉的微細粒子深入毛孔，把藏於深處的污垢清除。
初頭要多少少時間造出泡沬, 慢慢就開始得心應手, 發現洗兩次面都無需太多額外時間, 潔淨效果明顯見到!
第三點: Relieving Foam Mask (80g)
Relieving Foam Mask能將面部完整地覆蓋，令肌膚變軟後，提高浸透度。這就是濃厚泡沫的神奇功效。修復肌膚內部的同時，讓成分完全被浸透，便可好好發揮基本4點的功效。
使用前先搖勻， 把瓶垂直、 在手掌上按出「乒乓球」般大小的慕絲。
1. 從額頭向外同一方向地抹開。 眼角和嘴角也可逐一塗上。
2. 等待約5分鐘。
3. 用清水或暖水徹底沖洗。
濃厚泡沫能協助皮膚內部受損的細胞作出修復，從而令所需的養分如維他命、礦物質和氨基酸等能直達皮膚底層，令肌膚充滿生氣。通常係洗完面後, 開始沖涼期間就用佢, 到沖身時就可一齊沖水, 方便快捷, 用後感覺皮膚柔軟度提升左!
之後再繼續基本4點既護理, 於日間時, 更可以加埋第八點
第八點 : 日間護理 UV Dress Cream (SPF50+/PA++++) (25g)
UV Dress Cream不但能抵禦紫外線，更同時修復受損細胞，減少肌膚每天受到的傷害。
含有野馬追精華和番石榴葉精華能促進生產自我修復蛋白HSP70和HSP32。另外，亦加入了不知火菊精華可有效抑制老化加速蛋白（Angptl2），全面保護肌膚。
在手背上擠出紅豆般大小的分量。
1. 點在額頭、 鼻子、 雙頰和下巴上。
2. 用食指、 中指和無名指於雙頰、 額頭和下巴位置用打圈的動作從內而外塗抹。
3. 均匀地塗在整個臉龐後，輕輕把雙手按在臉上。
4. 需要補妝或改善膚色時，可直接塗於粉底上。質感清爽, 用後膚色變得明亮!
品牌全線產品都用過了, 初次使用準備3點, 感覺幾舒服及到位, 更加令我有動力去繼續用佢, 當然會有個四個月使用總結.....................待續!
產品由品牌提供, 內容純個人感受!
contact me : gingerszeto@yahoo.com.hk
日頭返工長時間對住個＂芒＂，夜晚應該休息時又掛住D Oppa, 雙眼缺乏休息, 黑眼圈跟你................................
每日化妝/落妝, 難免會拉扯到眼部周圍皮膚, 眼紋又出黎同你SAY HI......................想針對呢D問題, 要搵隻強效眼霜幫幫我!
呢盒係全新昇級版REVITALIFT活力緊致修護眼霜 ($165/15ml)
由L’Oréal Paris皮膚實驗室研發的活力緊緻修護眼霜，加入CENTELLA ASIATICA (積雪草) ，有效激發膠原蛋白新生力，改善肌膚細胞密度及彈性。產品不含香料。經皮膚科醫生測試，適合亞洲人膚質。
即時：眼周感到滋潤、柔韌、舒適。4週後：眼周回復緊緻、皺紋顯著深層淡化。眼周看起來重獲 生氣、煥發光采。
盒裝設計, 可用盡每一ml
質地柔滑, 超易推開, 使用時唔怕對皮膚做成拉扯
每天早晚使用。仔細地從內眼角向外塗抹,然後用指尖輕拍回內眼角,令眼霜滲透。
上: 明顯見到眼肚位置有眼紋
下: 眼紋減淡, 望落年輕左D
品牌產品一向比人性價比高, 今次當然亦唔例外啦!
產品由品牌提供，內容純個人感受／分享
品牌網址 : http://revitalift.loreal-paris.com.hk/
contact me : gingerszeto@yahoo.com.hk
