出品確有一手@星橋居酒屋

 友人終於歐遊完返黎，約食飯兼送上手信。為咗方便佢放工過黎，飯聚於中環比較就腳，提出想食日本嘢。

 

呢間當區居酒屋價錢以中環黎講算親民貼地

 

昏暗燈光，坐位靠牆兩側，無日式七彩燈籠作裝飾，只有特色推介食物黑板掛於牆上。伴隨係半玻璃窗廚房及開放式酒吧。

 

下雨晚上除咗悶，仲有濕同熱，當呢一刻遇上呢客梅子蕃茄 ($58)，食完當場身心舒暢。飽滿多汁嘅蕃茄已經去皮，浸淫係甜中帶微酸嘅梅子汁入面，完全入晒味，凍食好醒神又開胃。

 

見隔離幾枱都有叫呢客螢光魷魚漬 ($58)，細細隻面頭加上薑蓉

 

夾住薑蓉食先食到有薑味，魷魚漬口感煙韌，帶點咸香，送酒都唔錯。

 

以鷄皮做餃子皮都係第一次食，呢客雞皮餃子 ($60)一客4隻，外型有別於一般嘅餃子。

 

另上自家製醬汁，味道似沙律醬不過係薄身D，襯煎炸類食物係適合嘅。

 

食完餃子，到佢嘅”皮”……………鷄皮 ($38)

 

燒得無晒皮下脂肪，只剩下香脆，似鷄皮味嘅脆片。

 

鷄類代表唔好停，鷄翼 ($45)，雞軟骨 ($35)及鷄頸肉 ($35)又岩岩燒好啦。

 

只睇外表都令人想食，燒鷄翼….我鍾意食，皮香肉嫩，調味岩岩好唔會某D位會好咸。

 

鷄軟骨係軟骨之間連住鷄肉，一啖有兩種唔同口感。

 

海鮮類出場，先有三文魚腩串 ($38)，切成條狀串住再燒，腩位嘅油份被”迫”出來，軟嫩嘅魚肉帶點油脂香，加上連帶少少脆感嘅魚皮，另一番口感。

 

再黎帆立貝串 ($52)，唧上沙律醬及及汁燒過。

 

有點厚度嘅主體，香甜鬆軟，加埋醬汁食有點似層相識嘅味道………………..係大阪燒呀，哈哈……

 

帶點厚切油揚 ($38)，揸住竹籤食都無問題，燒到外脆內嫩，再汁燒一下，甜甜地好味道。

 

只食鷄又唔得嘅，用蔬菜做串燒作間場，點咗秋葵($38)同甜薯($28)，唔會燒到收晒水份，只加添香味。

 

加點澱粉質，明太子芝士醬薯條 ($58)真係超邪惡，無辧法唔一條駁一條。

 

居酒屋食物就係可以點多幾款，慢慢叫，慢慢食，慢慢飲，享受一下放輕鬆感覺。

#foodblog #food #foodie #foodiehk #central #居酒屋

泰好食@泰好記

 依加星期六行旺角係比較少人咗，行得舒服咗，要幫手振興一下本地消費，係附近食埋晚飯先。 呢間新開張嘅泰菜店，被門口嘅菜式照片吸引住。望入去見店內卡位佔大多數，應該坐得幾舒服，就試下先。

 

套餐要直接同侍應落單，散叫嘅就可以掃二維碼。有兩款二人套餐，呢款 ($299)比較岩食。

 

送埋兩杯飲品，除咗椰青/啤酒唔叫得，沙冰類都可以。分別叫咗食泰菜必飲嘅青檸梳打及泰式凍檸檬茶，份量足夠成餐飲用，行到有D熱， 一飲爽晒。

 

呢客泰式木瓜絲沙律，主要材料係木瓜絲，口感爽脆，伴以甘荀絲及車厘茄，再淋上酸辣汁 (辣度都唔可以睇小)，酸辣味道令人開了胃口。

 

同行友人可以食辣，咁就可以選冬蔭公湯 (小)，每人至少可以飲2碗。

 

滿滿嘅菇菇同蝦隻，加埋香茅，南薑片，入口酸辣度唔會嗆喉又唔會過濃，係碗”斯文”版嘅冬蔭公湯。

 

炒通菜就好多地方有得食，黎泰菜店梗要選擇泰式炒椰菜苗。以豆醬，辣椒炒，惹味十足，苗真係苗，入口無渣的。

 

要飽肚感，炒飯/河類當然唔少得，二選一要泰式乾炒河 (豬/牛/雞)中嘅鷄肉炒。

 

炒得乾身之餘但唔會一口油，加埋蛋塊炒就仲香D。

 

另外散叫泰式燒鷄 ($85/半隻)，超抵食，半隻份量相當對眼。

 

燒得鷄皮香脆; 鷄肉即使係鷄胸位都唔嚡同乾，另有兩款特色醬汁點鷄食，個人比較歡喜個泰式燒鷄醬，酸甜味道配燒鷄正呀。

 

是日泰式甜品2件，都大約估到係糕點類，靚靚花花造型嘅斑蘭糕，入口有清香斑籣味，再加埋香甜椰漿，熱食增加軟糯感。

 

上菜速度幾快，眨下眼就成枱都係食物。味道唔錯又夠份量，要係九龍食泰菜，唔駛一定要去九龍城嘅。

#foodblog #foodpics #thaifood #foodblogger #foods #mk

燒完可以再燒@好燒式串燒專門店(太子)

 多渴求嘅星期五終於來臨，放工後就同友人去找尋味蕾嘅慰藉，濃味嘅串燒似乎係個唔錯嘅選擇。

 

入坐前經過燒房，幾位師傅密密燒

 

未點食物，侍應先送上自家製南瓜湯作”見面禮”，每啖都飲到香甜南瓜味。

 

先出場有串燒豆腐 ($22)，鹽燒牛舌心 ($48)及豬仔髀 ($42/2支)

 

推介燒豆腐，燒得外脆豆腐內仍然嫩，點埋個酸辣醬食，似食緊唔臭版嘅臭豆腐。

 

而牛舌心帶點厚度，口感都鬆軟，牛舌味幾出。

 

跟住就係魷魚鬚 ($28)，燒鷄胸軟骨串 ($35/2支)及鷄腎串($20)

 

鷄胸軟骨串除咗有白色脆骨位外，仲間住鷄肉，一串有兩種唔同口感，幾過癮。

 

自肥系列就有燒原條蒜蓉燒茄子 ($40)

 

香濃蒜蓉舖滿成條茄子肉上，用筷子一注夾起，惹味又淋甜。

 

海鮮類有多種煮法，蒸/燒/汁煮都有

 

侍應推介蒜蓉燒扇貝 ($120/2隻)，無諗過咁大隻

 

蒜蓉差唔多覆蓋咗隻扇貝，主體相當飽滿，滿口鮮甜味又唔”痴”牙，果然好介紹。

 

最後一轉串燒係鹽燒白鱔($49)及最新推出嘅厚燒玉子 ($22)

肥美白鱔搽上少少鰻魚汁再燒，入口皮脆肉滑; 而燒玉子賣相似燒菠蘿，唔會好甜，係脆口版嘅玉子燒。

 

黎呢度食串燒唔擔心好快會肚餓，除咗串燒，仲有其他飽肚之選。

 

有芝士作為其中一個材料，我又點可以唔叫呢個墨西哥芝士鷄肉薄餅 ($52)。個名叫薄餅其實係一個饀餅，除咗有鷄肉及芝士，輕易做出拉絲畫面，仲有甜椒粒，平衡返成個饀餅。

 

至壓軸出場有請鮑魚汁海鮮荷葉飯 ($108)，份量夠2-3人分享

 

材料有仿鮑粒，魷魚，蝦及蜆肉，加埋蛋絲增加香味，成個飯唔油膩，比起之前食過嘅串燒反而來得清淡，輕鬆食晒。

 

每款串燒可選辣度，亦可唔辣，無用餐時限，可以慢慢食，慢慢飲。

 

#foodblog #foodie #foodiehk #foodpics #BBQ #太子