行經呢頭心血來潮想食泰菜，就撞岩呢間，係門口望下餐牌無論價錢/食物選擇都岩心水，亦都無限你用餐時間，就拉門入去
食泰國菜，呢客酸辣無骨鳯爪應該都無走鷄，無骨鳯爪爽脆，配上酸辣汁加芹菜，食中辣椒位都真係幾辣，但係辣得又幾過癮喎，。除咗沙律外另一開胃之選!
呢度嘅生菜包出鏡率都幾高，肉類有豬肉/鴨肉，標示選用鮮肉，豬肉就食得多，今晚試下鴨肉生菜包
鴨肉加埋檸檬葉一齊炒，多一份香味，切得幾碎，仲見到有大塊少少嘅鴨皮
用生菜包住食，味道岩岩好，一啖有兩種口感，唔錯唔錯。
呢客泰式燒鷄 (半隻)，份量都頗對眼，上枱後未食已聞到燒香味道，有點酸辣鷄醬比你點黎食
個別鷄件皮燒至焦香，鷄肉咬落都仲有汁，唔會燒到又嚡又乾，空口食都好好味。
店員不繼主動加水，唔會"迫"你叫嘢飲。呢度唔收信用咭，接受現金/咩PAY!
contact me : gingerszeto@yahoo.com.hk
上到黎呢個商場嘅九樓，向左轉食日本嘢，向右轉食西餐，今晚我哋向左走.................
晚市套餐多款選擇，定食/丼飯炒飯/鍋物都有
以浦燒鰻魚定食 ($148)黎講，呢個價相當抵食，可以要麵豉湯/蟹籽沙律，仲有溫泉蛋/溏心蛋一隻
溏心蛋入口creamy，唔係只係同拉麵夾，送飯都得㗎
主角有兩大段，鰻魚汁另上，鍾意幾多落幾多
鰻魚皮微脆，肉滑，香甜鰻魚汁撈飯一定無得輸，食晒都幾滿足。
呢度嘅石燒出鏡率超高，目測差唔多每枱都有叫，我哋都係其中之一，點咗石燒霜降和牛 ($218)套餐
和牛切成中等厚度，唔係薄片，脂肪比例可以，肉色都幾吸引，份量都唔少喎
先用牛脂粒在熱石上化成牛油，然後就可以開始燒肉仔啦
生熟程度除你歡喜，自己偏好每邊燒至轉色就食
三款調味比你選擇，簡單D點少少鹽，肉質帶少少嚼口，肉味都出，燒肉加白飯，夢幻組合是也^^
多款小食中，比呢客日式炸鷄 ($78)吸引住，有4-5件，唔細件架，炸至金黃色，未食都FEEL到股熱氣
超級熱辣辣，炸物梗係要熱食! 點埋個芥末沙律醬，微辛辣味道，外皮香脆，鷄肉一D都唔嚡乾! 餐飲黎一杯可樂配食..............爽爆呀!!
#food #foodie #foodpic #tasty #hkig #foodpics #yummy #ulog #dinner #foodblogger #MK #japan
contact me : gingerszeto@yahoo.com.hk
川菜幾時係香港變得咁受歡迎?! 要係呢區搵川菜食絶對多選擇，今晚呢間係由駐銅鑼灣扮工人士帶我去嘅
主打冷盤/香鍋/海鮮類/小炒等川式食物，仲有午市套餐供應
先叫個冷盤食下先，呢客藤香鷄 ($66)，賣相似醉鷄，分別在於鷄件上有條藤椒
鷄皮下無多餘脂肪，食得健康; 鷄肉嫩口，調味入晒鷄肉入面，食到藤椒嘅香味但唔辣嘅，食時可以再沾多D汁先食，提升爽麻風味，仲好味道!
主角金湯酸菜魚 ($188)出場，呢客足夠2-3人食，辣度除你喜歡，要咗小辣。
材料都幾豐富，除咗主角，選用鱸魚，仲有酸辣粉條，咸酸菜，菇菌類等
魚肉超嫩滑，食唔到細骨，配以酸菜一齊食真係好正! 見湯底唔算太油膩，飲咗幾啖湯，酸辣度好岩胃口，下次可以挑戰中辣!
成客連埋酸辣粉條都食晒，口感煙韌，最佳拍擋~
濃味有菜又有肉係呢客回鍋肉 ($78)
惹味醬汁將椰菜炒得爽甜有口感，仲有辣椒同蔥段，顏色配搭紅黃綠都有D
豬肉係切成薄片，少少肥膏位，調味得唔錯，用黎送飯真係咪講笑，KO一碗絶對無難度，係偷飯賊黎架!
叫罐可樂一齊飲，爽呀!!
今餐呢餐川菜食得人滿足，侍應招呼有禮，卡位都坐得舒服，價錢合埋，可以回頭喎!
#food #foodie #foodpic #tasty #hkig #foodpics #yummy #ublog #dinner #foodblogger #CWB #川菜 #酸菜魚
contact me : gingerszeto@yahoo.com.hk
有日經過呢條街見到呢間餐廳門面佈置幾吸睛下，就約咗女子組某成員今晚黎試下
有日式木屋西餐廳感覺，無論燈飾布置，灰色牆或木製枱椅都好岩FEEL
已佈置好聖誕打咭位，喜歡嘅可以影返張相留念
見到有呢個晚市套餐，有埋相一睇就知道包咩，只需選擇兩樣嘢 : 主菜及飲品
侍應送上南瓜忌廉湯，有一塊香脆蒜蓉多士，入口有香甜南瓜味，飲完有少少暖意^^
主菜類主要以澱粉質與蛋白質作比拼，咁就每類各選一款啦
卡邦尼黑松露片意大利粉 ($228)
砌成一個意粉山形狀，頂部再放幾片黑松露片，黑與淡黃形成強列對比
每條意粉都掛滿醬汁，條條分明唔係一團嘢咁，入口相當creamy，配合埋惹味煙肉碎，增加咸香味道，食完都幾飽肚。
炭燒法式豬鞍架伴紅桑子汁 ($348)
放低後已聞到香味，燒好嘅豬鞍再淋上紅桑子汁，炸脆嘅菜葉，紅中帶綠，不期然帶點聖誕氣氛
已切成3塊，食得輕鬆，外面有燒紋，內裏仍帶粉嫩色。點上酸甜紅桑子汁一齊食，中和咗肉嘅膩感，食晒全客都無問題，好味道。
套餐包埋甜品，今晚有呢客咁精緻嘅忌廉蛋糕，味道偏甜，份量適中。
除了咖啡，最岩係用茶黎配合，所以我今晚要咗呢杯伯爵紅茶，熱辣辣又夠大杯，就算食完蛋糕都可以慢慢嘆埋杯茶，呢張相嘅畫面係咪好似去咗日式餐廳飲下午茶嘅感覺呢?!
係度開餐除咗享受食物外，感覺亦幾令人放輕鬆!!
#foodpic #food #foodie #tasty #hkig #foodpics #yummy #ublog #dinner #foodblogger #jordan #woodstyle #stylish
contact me : gingerszeto@yahoo.com.hk
趁住天氣仲係叫清涼嘅日子，火鍋情緒仍然高漲，今晚就要去呢間新開無耐嘅任食火鍋店開餐
5款唔同價位套餐，由美國牛肉去到日本A4和牛，食埋海鮮都仲得，由頭盤到火鍋，再去埋甜品，保證你...................吃到飽
先食頭盤四選一，新加呢個味鮮卜卜蜆，以蒜蓉粉絲作湯底，蜆隻入口無沙，食到鮮甜味，仲有鮮蝦，唔想食咁飽可以考慮呢個，留返D戰鬥力去火鍋時間......
出去雪櫃自取各式罐品，仲有特色飲品如洛神花蜜，蜂蜜菊花露
清潤下火之選 :
未開始火鍋當然要選好湯底先，八選一，雙拼湯底加$30。要搵過下火又同火鍋料夾到嘅當然係芫荽皮蛋湯底，仲有埋豆腐架
我地食呢個係$298餐，每枱送上美國極品牛肉拼盤 (一客)，包括5款唔同部位(牛下肩/牛板腱/金錢展/雪花肥牛/牛胸爽)，一次過比你試下邊款岩口味，除咗牛胸爽唔係任食外，其餘都可以任叫!
每款都切成薄片，一轉色就食得
先食牛下肩，肉味幾出，肉感鬆軟又無咩脂肪位，食多D都無負擔
同埋呢個高級雪花肥牛，大片D，帶少少油花位
入口又唔同口感，油花位與肉結合更嫩滑，果然雪花肥牛同火鍋係好朋友
牛胸爽呢個部位開初見到白色部分以為係肥膏，入口其實又帶點爽感唔係油膩喎，相當過癮。
蔬菜，丸類，菇類，炸物，蟹柳，芋絲，午餐肉，水魷等就自己拎盤出去夾
要追加牛肉，豚肉，醉鷄件 (真係有酒香味，唔係得個名)，脘魚片，墨魚滑，蝦滑就用手機落單
推介牛丸(振興肉丸出品)，真係幾有牛味; 墨魚滑就確係彈牙，好彩係任食姐.....哈哈
驚喜大發現有鴨血，以為只會出現係台式火鍋店
入口當然嫩滑，最愛夾埋D芫荽蔥一齊食
見到呢包火鍋粉忍唔住拎咗包入位
烚一陣變軟就食得，口感滑中帶點煙韌，加少少醬汁同蔥粒已經好好味，二人一包岩岩好!
去到呢個位，腰圍都已經增大咗，但點都要食埋甜品嘅
甜品區有芋圓/芝麻糊/豆腐花/生果
原筒豆腐花，自己"畢"嘅係最好味嘅，加黃糖梗無得輸啦，食兩碗?!..................輕鬆!
總結食材以任食黎講算有水準，上菜速度快又無漏單，員工反應主動，不時收盤加湯，絶對會回頭!
#foodie#food #foodpic #tasty #hkig #foodpics #yummy #ublog #dinner #foodblogger #tsimshatsui #hotpot #allyoucaneat #full #hongkonstyle
contact me : gingerszeto@yahoo.com.hk
