望下月曆, 原來已經立左秋, 傳統上已經算係踏入秋季(雖然溫度仍然有3字頭
), 所以早前 PRIVATE i SALON與澳洲著名美髮牌子 KEVIN.MURPHY舉行FW15髮型表演, 讓一眾潮人率先掌握最新髮型潮流趨勢
今次活動於美麗華商場地下舉行, 除左一眾嘉賓及傳媒人士可欣賞外, 各樓層上既顧客都可以一齊參予, 讓來季髮型潮流訊息傳播開去
品牌請來風趣生鬼LEO作為活動司儀, 先介紹PS GROUP旗下各店舖以及宣布黎緊於 Mira Mall又有新店開張 - CHIC PRIVATE i SALON, 更方便九龍區潮人
今晚既FW15髮型表演, 特別邀請到幾位星級GOLD KEYS髮型師先後與特別嘉賓及模特兒作高超剪髮手藝表演及展示最新流行髮型 :
1) Alan Fung@ the mira PRIVATE i SALON
特別嘉賓 :龔柯允
2) Jay Yeung@ PRIVATE I SALON (特別嘉賓 : 趙頌茹)
特別嘉賓：劉浩龍
3) Romeo Wu@ i PRIVATE i SALON
利用＂針線＂，無需一個ＰＩＮ就可束起頭髮
4) Lawrence Chan@ QUEEN'S PRIVATE i SALON (特別嘉賓 : 鄧穎芝)
誇張造型都好襯模特兒
咁靚既造型，除左佢地高照既手藝外，配合KEVIN.MURPHY一系列多功能,高效持久, 輕盈無重的產品，就能加造型的工作效率及創新造型
每款產品都含有天然芳香療法配方及不添加硫酸鹽及苯甲酸酯(俗稱防腐劑), 適合所有髮質使用
咁精彩既FW15髮型表演就此完滿結束，當然唔少得一張大合照啦
睇完呢個咁令人目不暇給既Hair Show，我都好想快Ｄ去Private i Salon轉下一個新髮型
www.psgroup.com.hk
謝謝品牌邀請, 內容純個人分享
contact me : gingerszeto@yahoo.com.hk
已經記唔起幾時開始有劃眼線呢個習慣, 由新手用既眼線筆開始, 到之後既眼線液及眼線啫喱都用過, 數到自己覺得最user-friendly既, 都係會㨂佢.......................眼線筆! 自己本身都屬於油眼人, 所以㨂選眼線產品都偏向要持久性高又防水防油啦, 尤其係夏天!
今次收到呢款NAF 36H 台灣2015新品
NAF36H超防水持久眼線膠筆(1+1口碑好評限定組)1.5g
產品介紹：
結合眼線筆及眼線膠高密度濃縮型的防水眼線筆「飽合度UP」特殊成份配合，加強飽合度和顯色更佳亮眼，光澤更持久明顯，讓眼部輪廓更深邃。
「特殊柔軟筆蕊」柔軟的筆蕊設計，質地軟硬適中，如天鵝絨般順度，滑順而服貼於眼皮上，輕鬆好上手，就連初學者想要描繪的上眼線，或是高難度的內眼線，也能快速上手輕鬆描繪！亦可當眉筆使用!
「防水UP」特殊耐水設計，能長時間維持眼線完整度，眨眼間不擔心暈染、脫色問題，雙眸妝點更亮麗有神。用水沖測試, 之後用手指捽佢都無脫色, 確係勁喎~
呢支眼線膠筆, 顏色夠黑, 筆芯柔軟好易畫, 2-3下就輕易完成整條眼線, 加深眼部輪廓!
眼線可以維持大半日都只係脫掉眼尾位置, 無暈染情況出現, 唔怕變成熊貓眼^^
卸妝只需用卸妝水就可完全卸掉, 簡單方便!
香港官方:NAF 香港代理 www.facebook.com/naf36hk
香港獨家分銷商 : 我的公主美妝店 My Princess 購買點 : www.myprincessyoyo.com】
此產品由官方提供, 內容純個人分享/感受
contact me : gingerszeto@yahoo.com.hk
實不相瞞, 自己忍痛能力長期屬於低B級, 但自從出席完係Face It 所舉辦介紹韓國新一代透明質酸CLEVIEL既Blogger Event後, 親眼見到MODEL打完之後既靚樣, 點會唔心動?! 係要靚/唔忍得痛既內心交戰下, 終於係前者嬴左既
上次見證到醫生既手勢, 對佢有信心, 於是決定搵返佢, 咁就一於過銅鑼灣分店接受今次既CLEVIEL注射啦
跟美容顧問作登記及了解希望注射既部位後, 簽埋同意書後, 就正式入房與醫生見面再作評估
同醫生溝通後, 佢建議可作蘋果肌注射, 而所用既系列係CLEVIEL Volume, 以提升面部立體
CLEVIEL與其他透明質酸產品有明顯的不同，一般透明質酸產品的原液含量是20至25mg/ml， 而CLEVIEL 的透明質酸產品50mg/ml比其他產品含量多出一倍。因此完成療程後會有顯著的提升狀態，承托力也比較高。而CLEVIEL比一般產品能維持更長久的時間，一般產品是為期半年到一年，但它可以維持一年半。
當了解清楚後, 就可以開始搽麻醉藥膏, 再等20分鐘後就可以開始注射, 好欣賞房間內有播歌, 唔係純音樂, 而係流行曲喎, 絶對可以令人放鬆心情
由於美容條例關係, 相片唔可以見到針/針筒, 所以過程我就唔影啦, 專心咁接受注射
正式開始前, 醫生先消毒面部, 然後再打多支麻醉針(好似蚊釘一下咁), 跟住就開始注射, 期間有使用導管以更有效打到想要既位置! 每打完一針，醫生會立即以＂㩒＂＂錬＂既手勢去塑型！ 注射時，醫生會不時詢問痛唔痛？講真，真係唔痛喎，反而痛既時候係醫生塑型時！
每邊面各注射１ML，針口有３個，打完後無任何腫或瘀既情況出現，醫生手勢真係唔錯
整個注射過程我估計大約２０分鐘，之後美容顧問就溫馨提示我注射後既禁忌：
注射後當日不可化妝及飲用酒精類飲品
注射後２星期內避免面部按摩，曝曬，焗桑拿及進行其他按壓或美容療程
而當晚麻醉藥藥力消散後，針口位置會有酸痛感，但2－3日後就無ＬＵ
快黎望下效果先, 有相有真相
基本上第三日已經睇唔到個針孔, 而蘋果肌位置變得飽滿, 望落更精神及年輕感, 面型更立體, 而且最緊要係效果自然嘛!
對於今次既注射療程, 無論服務及效果都令我滿意
有關注射劑量及服務由Face It及CLEVIEL提供，內容純個人分享／感受
contact me : gingerszeto@yahoo.com.hk
提起紅色包裝既護膚品, 好多時會令人聯想到S字頭貴價產品, 但從今天起, 我會諗埋佢.............................Olay Regenerist (親民價版)
呢個系列賣點係幫助減淡皺紋及緊緻肌膚, 令皮膚回復年輕化, 岩晒我用喎
Olay Regenerist Miracle Boost Youth Pre-Essence 新生肌源青春精華露 (40ml)
蘊含破天荒尊貴成分SUPERC-ELL前導因子，促進膠原蛋白形成, 抗皺10層滲透
增強肌膚的修護力，從根源改善肌膚。令肌膚變得緊緻，綻放年輕光彩。
滴管式設計, 每次只需2滴就足夠塗搽全面及頸部! 質地輕盈，並帶有香味，快速滲透於皮膚內
搭配Olay新生高效緊緻護膚霜使用，更能達到理想的護膚效果。我當然樂意使用
OLAY Regenerist Micro-sculpting Super Cream新生高效緊緻護膚霜 (50g)
蘊含高濃度氨基酸肽複合物（Amino Peptide Complex），當中主要５大高效抗氧化元素：肌肽、五勝肽、維他命E、玻尿酸及綠茶精華，有效減少肌膚老化現象；配合透明質酸及海洋蛋白等高效成分，能幫助改善肌膚質素，締造出最理想的肌膚。
肌肽：避免膠原蛋白流失，幫助肌膚保持緊緻；
五勝肽：促進膠原蛋白、彈力蛋白及其它細胞外基酸（如玻尿酸等）的新生，幫助減淡皺紋及緊緻肌膚；
維他命E：抵抗自由基氧化，深度滋潤肌膚；
玻尿酸：被公認為強大補水成分，幫助肌膚保持長效水潤；
綠茶精華：抵抗外界氧化反應，避免加速老化現象。
香味較精華露更濃味D, 略為減"香"會更討好! 面霜質地好潤滑, 用於冷氣房間好適合
早晚使用, 目測後發覺毛孔收細左, 膚色望落變得明亮, 無咁"老殘"感(哈...), 但緊緻度未有明顯效果, 可能要用長D時間!
有關產品由P&G提供, 內容純個人感受/分享
contact me : gingerszeto@yahoo.com.hk
女子組聚會, 首要條件食得盡興, 環境容許暢所欲言, 唔會限你食幾耐就要埋單走人! 又為左方便食完散水, 於是決定去左旺角, 最後選擇左呢間韓式料理食店, 係門口見到佢有超值套餐推介
環境都算幾寬敞, 坐位間唔會好迫, 點菜後, 侍應就送上配菜, 味道都唔錯, 尤其欣賞佢個南瓜及薯仔, 可惜唔係無限添加, 再加添係要收費
由於我地其中一位係唔食豬, 所以今晚都以牛為主
先燒下精選牛肋骨(有醃/無醃) $168, 我地兩款叫晒
肉既厚度比我係其他韓店食既略為薄左D, 所以燒既時間仲快D, 當燒好用鉸剪剪開細塊時, 已經感覺肉質好柔軟, 好似牛柳咁, 食落都幾多肉汁, 無論單食或包生菜一齊食都唔錯!
條"食肉MODE"已經開動左, 快D比多D肉黎, 所以呢2味就呢個時候送到上枱
秘制豬手(跟生菜) $238 - 份量都幾多, 豬皮及肉既比例合埋, 單食味道唔算濃, 包生菜及醬一齊食就岩岩好
紅燒牛肋骨 $98(小) - 一客4-5件牛肋骨, 醬汁煮到入晒落D肉到, 唔會煮到好嚡身, 連除D蘿蔔都好鮮甜, 用黎送飯一流
見到隔離枱燒鮮帶子($128), 個樣幾靚仔, 無埋由唔叫架?!
燒完都無縮水, 配埋少少黑椒碎一齊食, 都食到鮮甜味又唔會痴牙
侍應推介韓式生醃醬油蟹($138), 就試一客吧 - 蟹既份量好細隻, 先試一下蟹膏, 第一口食到甜甜地既醬油味, 然後最尾既蟹膏味先出黎, 唔算好腥, 可接受吧!
想燒多一D海鮮類, 就叫埋特大蝦(4隻) $128 - 蝦既SIZE確係大, 算抵食, 中間仲劏一刀, 會快熟D, 肉質幾彈牙, 唔係"霉"架, 仲食到少少鮮甜味
見佢D牛肉唔錯, 咁就再加多個無骨背肩肉 ($168) - 一咬FEEL到D肉脂爆開, 個人比較鍾意精選牛肋骨
見到MENU入面有疍拌生牛肉絲 $128, 係無人反對之下就試下
侍應幫我加少少芝麻油後再撈均, 牛肉係加拿大牛, 伴埋梨條一齊入口就幾鮮甜喎, 無生肉既腥味
友人提出想飲雪濃湯 - 雪白色既湯好似飲緊忌廉湯, 配埋腍滑既牛展, 食埋少少韓式粉絲, OH........好滿足
最後以牛肉鍋麵 $268作為句號 - 份量夠晒大又足料, 足夠4-5人食, 味道唔錯, 雖然叫鍋麵, 以為係有辛辣麵, 點知原來係韓式粉絲加年糕!
食完呢餐, 我地個腰圍吋數又增加左! 食物水準可以, 侍應服務反應快，唯通風設備差Ｄ，食完會令你滿身燒肉味！
地址 : 旺角通菜街1A-1L號威達商業大廈Deli2 1樓
contact me : gingerszeto@yahoo.com.hk
