高質”西洋菜”

 九月真係多壽星，又要食另一餐生日飯。是日壽星歡喜”西洋菜”，所以同佢黎呢間。

 

裝飾佈置主要以木色為主，加上燈光配襯，整體感覺好岩feel…

 

睇相係咪以為係杯泡沫咖啡呢? 查實係南瓜湯 ($58)黎架。

 

熱度十足，最歡喜飲熱湯。口感細滑，純飲到南瓜嘅甜味，好好飲。當飲熱飲咁，無需用匙都得。

 

有湯又想有埋飽，呢客西班牙鬆脆包配香蒜希臘芝士醬 ($48)係唯一之選，二人分享岩岩好。

 

想講個包果然夠鬆脆，芝士醬咸咸香香配包係岩數，無論送湯或單食都得。

 

薯仔沙律 ($78)絶對係個人嘅情意結之選，大大粒薯仔撈埋沙律醬汁，再灑上脆煙肉碎，兩種唔同口感，就係鍾意呢份簡單…

 

呢客辣蕃茄忌廉大蝦意粉 ($96)，都唔過一百蚊真係相當佛心。

 

有成6隻爽口大蝦，而意粉係有口感嘅，軟硬度係我歡喜，每條意粉都沾滿咗帶有辣度及偏甜嘅醬汁，好好味，要趁熱食咗先。

 

另一客蒜香雜菌意粉 ($96)都唔過百，份量絶對唔少，簡單材料只有雜菌及蒜粒。

 

入口先有蒜香味，簡單得黎又令人想繼續食落去; 當刻雜菌被比下去，有就錦上添花，無都唔太大影響。

 

枱上有精緻火爐仔，就係為咗肉類而設，就算食到最尾，肉同醬汁都可以保持熱度。有豚/牛/鷄選擇，今晚就食慢煮牛肩胛肉 ($198)。

 

份量大約有10安士，已切成肉片，另有兩款醬汁及鹽可以點肉食。

 

特色是中間有一根透明的嫩筋，脂肪少，肉質結實又口感幾嫩。

 

呢度提供多款梳乎厘班戟，無理由唔叫埋架?! 腦交戰咗一陣，係呢客焙茶忌廉配新鮮提子梳乎厘班戟 ($128)跑出。 只睇賣相都無得輸。

 

糖漿可另上，焙茶漿已淋上係梳乎厘班戟，質感相當鬆軟，食到焙茶茶香味，但整體唔會太甜; 以提子及藍莓黎清新一下味蕾，有心思配搭。

 

甜品時間要配咖啡，呢杯鮮奶咖啡 ($40)唔會太過濃驚影響睡眠，一啖梳乎厘班戟，呷一口咖啡，感覺相當唔錯。

 

上菜速度快，幸好張枱夠大。今晚呢餐每一款都好味，由熱湯至甜品都食齊晒，下次一定要約埋朋友一齊食，咁就可以再叫多D。

#ublog #生活足跡#假期推介#chill賞遊世界#ucreatorhk#好去處#相機食先#Chill歎旅遊#透亮抗敏#缺水肌必備#女生好物體驗包 #NATA

牛一食牛牛@牛牛日式火鍋放題

 要同九月之星慶祝生日，主角提出任食火鍋食到飽。接埋收工就同佢嚟呢間食。

 

樓底夠高，地方夠寬敞，出去拎食物/飲品都幾方便。安排坐窗邊卡位，可以望到街景都幾舒服。

 

試下新品澳洲產和牛放題 ($368/位)，任食任飲120分鐘。

 

一人一湯底嘅日式紙火鍋，賣相好和式，選擇壽喜燒及鰹魚湯，一濃一淡。

 

主廚想客人食得健康，隨餐附送有6款特色有機鮮菌 ，有D例如金耳菌，雞樅菌都未聽過，今次可以一次過試晒唔同款式菌類。

 

趁湯底滾起前，出去拎其他火鍋配料

 

蔬菜類就另一個位

 

未開始手機掃碼落單前，侍應先送上每位送50g宮崎和牛一碟。無論肉色及脂肪分佈，日本和牛應該完勝。

 

一黎就打大佬先，肉味唔算太出，但入口超嫩滑，心心眼中。

 

跟住澳洲M6和牛，澳洲M8和牛前胸腩，美國極佳牛小排，美國頂級封門柳等已經出場。

仲有豚肉及羊肉選擇，但我地都係主打牛肉類。

 

澳洲M6和牛切得大片D，一轉色就食得，口感鬆軟。

 

其他牛肉都品質唔錯，絶對會令你再追加。

 

當然唔少得海鮮類，扇貝，鮑魚仔，大墨魚仔及蜆都叫D。

 

鮑魚仔口感彈牙，有得任食確係唔錯。

 

仲有炸物，有我最愛嘅芝士年糕及榴槤皇炸彈，單骨鷄翼比美外面買到嘅水準，欣賞佢全部炸物都係熱辣辣。芝士年糕再要黎多轉呀唔該。

 

除咗出去雪櫃拎罐裝飲品，酒類如啤酒，紅/白酒及清酒可以掃碼落單。嚟…..飲杯清酒先。

 

驚喜發現竟然有葡撻出現，仲用保溫箱保持熱度及脆度。

 

入口香脆，甜度適中，我地忍唔住每人食咗2個，真係絶對唔可以錯過。

 

指定動作留少少位食雪糕，MovenPick雪糕任食，食兩三球基本啦。

 

兩個鐘係可以邊食邊，傾主角滿意呢一餐。生日快樂呀……………………………..

 

#生活足跡#假期推介#chill賞遊世界#ucreatorhk#好去處#相機食先#Chill歎旅遊#透亮抗敏#缺水肌必備#女生好物體驗包  #foodie #hotpot

夜繽紛之選@串燒王

呢條街兩邊食店遍地開花，食麵或飲野都有。有時響應完夜繽紛想食D野，呢間串燒店可解我燃眉之急。

 店舖面積一眼睇晒，自行寫紙落單，辣度可選擇。

點咗鷄軟骨 ($28/2 串)，雞腎 ($28/2串)，大墨魚咀 ($28)，免治鷄肉棒 ($20)，牛舌芯 ($38)，虎皮青椒 ($13)等，一次過變拼盤上枱。

 先食大墨魚咀，入口軟糯。

比起牛舌，呢客牛舌芯來得更嫩滑，厚切帶來口感之餘唔會韌

呢度嘅免治鷄肉棒，比起日式細碼D，無蛋汁點住食，入口外面乾身D，內裏鷄肉唔乾。

原隻上嘅虎皮青椒，成支竹籤咁大隻嘅都少見，入口有D辣度，好彩都食到。

友人點選鹽燒白鱔 ($55)，燒得皮脆肉仍嫩身，鱔肉帶點厚度，友人滿意。

每次去食串燒必叫嘅一定係蒜蓉原條茄子 ($38)，切開鋪滿蒜蓉，未食已聞到蒜香味。

用筷子一起就夾滿一注，調味岩岩好，軟身中食到蒜粒，但入口係唔夠熱。

友人唔食茄子，咁就叫客蒜蓉金菇菜 ($45)比佢。份量超多，以錫紙兜加上大量蒜蓉煮，熱辣辣都幾好食。

就咁食串燒驚唔飽都無需擔心，呢度有飯粉麵作為主食類。叫咗其中一款錫紙花甲粉 ($65)一齊分享。 帶點麻辣味嘅湯底，麻香多過辣，有類似粉絲配湯都唔錯; 花甲細隻但無咩沙，仲多數都有肉。

即點即製，要點時間等待，有加一服務費。聽到外賣落單嘅響聲響不停，店員及廚師亦忙過不停。