趁住仲有少凍天氣日子，放工後就去烚下烚下，搵間放題任飲任食就是最好的。
唔同時段唔同價錢，正價(1900-2100)只收$308，就可食到最貴嘅C餐 - 日本和牛及極上安格斯牛小排套餐，任飲任食兩小時。
全店面積都唔細，靠邊位置為卡位，四人坐都OK，兩人就超寬敞。
飲品自己去雪櫃拎，有特式支裝茶，亦有暖嘅紙包飲品，照顧唔同需要。
各式菜類已預先分碗，打開雪櫃一拎就得，乾淨保持鮮度。
除咗唔同款式丸類，麵食類，仲有即食區，如惹味開胃川式小食，凍蝦及DIY 沙律配料。
小試幾款川式小食，配以香茅檸檬茶，食住落單。
掃二維碼落單，好快就送上配料。多款特色湯底中，點選百搭同下火嘅芫茜皮蛋湯。
開波同回本之作，梗係日本和牛啦，脂肪唔算太多，咁就可以食多幾碟。
薄片一落湯幾秒就轉色，入口嫩滑無渣，食得相當輕鬆。
仲有極上安格斯牛小排，肉色較為鮮紅。
薄薄一片，肉味較出，要再加單呀。
除咗牛肉之外，當然仲要留位比其他食材啦。呢度比較特別係，除咗有鷄子外，仲有豬肺。
望落係乾淨及煮過嘅，只需烚熱返就食得，入口鬆軟無異味。
養顔擔當有花膠; 海鮮類代表有脆肉脘，鱔片
仲有蝦及蜆，蝦肉幾爽彈; 蜆肉無沙有鮮味。
丸類當然唔可以缺失，有手打三寶丸，分別係墨魚丸，豬肉丸及孜然鷄丸。Q彈擔當。
個人推介係呢粒芋泥貢丸，外彈內軟綿，亦有芋香味道。
仲有仲有…………竹笙及蝦膠釀油條，呢D唔係好多任食火鍋店有供應，當然都要叫啦。
甜品區除了有軟雪糕外，亦有雪糕杯，多款味道選擇。
有我歡喜嘅綠茶味呀，友人就要原味乳酪味，黎個綠白大對決，哈哈……。
#ublog #foodblog #foodiehk #mk #hotpot
沒有留言:
張貼留言