又係花墟買完花，當然食埋先返歸。忽然諗起佢
想食情人節套餐? 呢度都有，價錢仲相當貼地。
不過今晚就選擇呢款精選二人餐 ($298)，有埋餐湯，主菜同意粉/飯各選一，汽水/果汁仲唔駛加錢。
是日餐湯係蕃茄湯，湯質頗杰身，飲到蕃茄酸甜味，作為開胃之作都唔錯。
本來想加$60叫客煙三文魚沙律，但當晚售罄，咁就睇下小食類有咩岩食。
呢客係墨西哥香草牛柳絲卷餅 ($68)，切成4小份，另有沙律菜伴碟。
係墨西哥卷餅中包入牛柳絲，牛柳絲比較濃味D，正正與淡味卷餅均衡返，食晒成條都幾飽肚。
之後到意粉出場啦，呢客炸軟殼蟹南瓜忌廉意粉，被造型奇特嘅炸軟殼蟹所吸引住，成隻手咁，只不過爭咗隻”手指”。
軟殼蟹即叫即炸，入口香脆熱辣，炸漿唔算太厚，又唔會食到一口油，外脆內軟，趁熱食啦喂。
而個意粉以南瓜忌廉煮成，加上甜椒粒同菇片，除咗增加顏色，亦加多份香甜。
來來來………….主菜出場啦。黑松露燒春鷄是也，仲有薯條另上。
原隻春鷄開邊燒，未食只睇外皮顏色已夠吸引。
皮係香脆嘅，肉就都嫩嘅，配埋個黑松露燒汁，獨有黑松露香味一湧而出。
個汁仲可以用黎點薯條，比點茄汁更好味。
之前試過佢嘅咖啡，水準相當唔錯，今晚願意再補錢嘆杯Latte。唔係飲幾啖就無，入口先有綿滑奶泡，繼而飲到咖啡香味，啡身夠濃厚又夠熱，每杯嘅拉花都唔同，有心思。
樓底夠高，聽住熟悉外國歌曲，坐得幾舒服，慢嘆咖啡中...........
#food #foodie #foodblog #projectb #太子
沒有留言:
張貼留言