有個係觀塘工業區返工嘅友人，區內有咩新食店開張都難逃佢嘅法眼，就好似呢間
新張試業，全單九折。
店內面積都幾寬敞，米白色為主調，仲有間獨立房間，8 人開餐岩晒。
食物選擇主要係小食/沙律/意粉/燴飯/特色飲品/甜品，手機落單。
食物顏色繽紛，除咗吸引眼球亦可增加食慾，呢客田園沙律 ($42)做到啦。爽脆沙律菜夾上紅菜頭粒，南瓜粒，牛油果粒及車厘茄，再淋上黑醋，甜甜酸酸好易入口。
小食叫咗客炸魚薯條配塔塔汁 ($58)，兩件炸魚配一籃薯條，份量適中。
炸魚入口夠熱，咬落香脆，炸漿唔會太厚，點個塔塔汁食...........岩數。
主食分別叫咗青醬鷄肉燴飯 ($93)，白碟配綠調食物，視覺上幾和諧
鷄肉係煎過嘅，比起其他店就咁烚完就煮，入口帶點焦香; 每粒飯都比青醬包圍住，creamy得黎又唔會太膩，食晒都唔會太大負擔。
歡喜食香蒜類意粉，呢客蒜香蟹肉意粉 ($138)未食已聞到香蒜味，心心眼中............
撈均後差唔多啖啖都食到蟹肉，香蒜味好出，而意粉係有口感嘅，成件事互相配合得唔錯，係好味嘅。
梳乎厘班戟係呢度招牌甜品，幾款口味(焦糖吉士/伯爵茶珍珠/士多啤梨...等)中，呢款坊間比較少見紅棗燕窩嘅梳乎厘班戟 ($138/二人份)就跑出咗。
紅棗燕窩呢類中式食物，遇上西式甜品會有咩火花?! 紅棗吉士醬汁淋係兩件鬆厚梳乎厘班戟，紅棗碎及燕窩放係側邊，構圖吸引。
梳乎厘班戟入口超鬆軟，先有蛋香味，繼而紅棗味就慢慢爆出，味道唔會過濃，始終紅棗味唔係個個岩，加埋燕窩一啖放入口，女士們食咗補身又養顏，哈哈哈。
跟餐配杯熱鮮奶咖啡，等埋個梳乎厘班戟先叫起，邊嘆奶香咖啡，邊食啖鬆軟梳乎厘班戟，彷彿瞬間變成咗High Tea時間，下次可以約埋女子組黎試下。
#food #foodie #foodpics #KT #cafe #foodblog
沒有留言:
張貼留言