依加去食燒肉放題，已經”進化”到有埋火鍋，刺身及熟食。多得駐觀塘”扮工”嘅友人帶我去呢間開眼界。
一個價錢封頂(加埋一都唔駛$300)，仲要係晚市價錢，已經可以任食任飲120分鐘。
餐廳面積都唔細，以卡位黎講都坐得相當寬敞，張枱又夠大，放多幾碟食物都卓卓有餘。
啤酒/汽水/茶/紙包飲品呢D任飲
食物自己出去拎，頭位就係刺身區，多款大路刺身如三文魚，吞拿魚，希靈魚，八爪魚及仿鮑片都有
當頭盤食開下胃口先
呢個鷄煲都係送架，食完刺身就滾起，時間岩岩好。
跟住就到火鍋/燒肉區，超多選擇，豬/牛/鷄/魚/羊都有，同款肉類都有其他口味，可辣可唔辣。
發現有韓式牛肉，仲有我至愛嘅多春魚及鷄軟骨，唔客氣啦
鷄軟骨燒至卜卜脆，一啖一粒，正。
仲有好耐都無食過嘅金沙骨同超大條嘅秋刀魚
食緊燒肉之際，另一個爐就可以轉黎火鍋之作，時間真係無浪費。主要用黎烚菜/菇類/丸類等
個人推介牛丸，多汁之餘都幾有肉味。
唔好忘記仲有熟食區，有炸物(如薯條)，茶葉蛋，煮花螺，椒鹽骨，炒清菜等
見到有老火湯，又飲碗先
仲有仲有………………………甜品區，自製台式甜品及多款雪糕雪條。
呢條黑糖流心芝士雪條就成為我今晚嘅甜品………………YEAH!!
#ublog #food #foodie #foodiehk #kwuntong #bbq
沒有留言:
張貼留言