再度台食@日月堂

 又黎呢度食台菜啦

 

牆上掛上各款台食木牌，比你有概念有咩好食，掃Code自己落單。

 

飲品先到，齊齊要咗百香果紅茶，一凍($28)一熱($26)，凍飲夠大杯唔在講，連杯熱飲都唔細杯，酸甜中帶點紅茶味，可以中和下D濃味湯米。

 

台式湯麵，除咗出晒名及成日食嘅紅燒牛肉麵外，今次就試吓清燉半筋半肉麵 ($75)，加$5轉新竹米粉。

 

湯底顔色與紅燒差唔多咁深色，半筋肉放於米粉上。

 

牛筋與肉煮得夠腍身及相當入味，加埋新竹米粉索住D惹味湯底，唔錯。

 

另一碗係麻辣鴨血麵 ($70)，亦係加錢轉為新竹米粉。麻辣度可自己定，就算無辣都可以，呢碗係中辣。

 

鴨血份量都唔少，灑上炸蒜片配埋滑身鴨血一齊食，增加口感之餘亦多陣蒜香味。

 

未試過佢嘅滷水系列，今晚就叫客滷水豬腳 ($45)

 

未食都聞到陣滷水味，入口豬皮滷得夠腍及入味，筋肉均勻，食完個口”膠膠地”…..哈哈。

 

另一喜歡嘅台式小食就係蛋餅，呢客起司肉鬆蛋捲餅 ($40)，有齊芝士同肉鬆兩種餡料。蛋皮煎到脆邊，包住半熔掉嘅芝士及肉鬆，咸味中又帶點甜，每人2件都幾飽肚。

 

唔收加一，上菜速度正常，呢餐埋單二百幾蚊，好味又飽肚。

#ublog #foodiehk #foodpics #kwuntong #taiwanstyle