每次去日本，都聽友人介紹去邊度有好味鰻魚飯食，香港食唔到架。下次日本之旅要稍後先出發，今晚就黎呢間專食鰻魚嘅食店止下渴先。
店內面積一眼見晒，日系佈置，都幾似日本食店感覺。
望下餐牌食咩先
未食先飲杯玄米茶及可樂 ($12)，解一解渴先。
為慶祝日本傳統鰻魚祭，滑蛋鰻魚丼星期一至五中午12點至下午3點半，只需$38，真係一碗雲吞麵嘅價錢咁上下就有得食。
晚市時段係($58)，加$18可升級做套餐，有溫泉蛋，醃菜，鰻魚肝白貝湯及飲品。就係眼前所見咁多樣嘢啦。
個滑蛋鰻魚與飯係分開上，就咁單食完全無負擔，當然加埋飯食就多一重口感及滿足感。甜味嘅滑蛋與鰻魚配合係偷飯賊。
想講埋個鰻魚肝白貝湯，夠熱度，比起配傳統麵豉湯較為清甜，可以清空一下鰻魚嘅膩感，唔錯。
睇食評唔少客都會叫佢…………………. 沙羅鰻蛇丼 ($198)
一場黎到，點都想會下佢真身嘅………………………….出場啦! 望見佢真係傻了眼，超大條蒲燒鰻魚，要多用隻碟先可以放得到。
要用刀叉切開嘅鰻魚都係第一次……哇哈哈!
飯盒內仲有蛋卷，咁就黎一口厚切鰻魚蛋飯，超滿足。
仲有另一種食法 :
再自行加紫菜及芝麻，清空一下口腔內嘅鰻魚味，還完基本步。
原條巨大鰻魚之份量，一個人確實難以食晒，可以同友人分享都唔錯。
#ublog #foodblog #unagi #japan #tst
沒有留言:
張貼留言