係銅鑼灣想食西餐，呢間都可算係個人心水之選頭五位內。
無黎一排，發現有D新菜式，仲有個2週年套餐。不過今晚都係選擇單點。
叫咗個廚師沙律，個人認為必須另加$48要埋個烤香草鷄胸。成客份量可以當成一個輕盈主菜都得。
以爽口沙律菜為基底，可以選擇油醋汁作沙律汁，仲有車厘茄，青瓜粒及蛋塊。
件烤香草鷄胸，果種嫩滑程度，絶對有理由相信係先慢煮後輕烤。已預先調好味，食起黎好味又無負擔，依加都仍然回味緊。
即叫即製芝士四重奏薄餅 ($148)出場啦，主要由Mozzarella, Parmesan, Cheddar等領軍，餅底係薄脆，與芝士一齊食時，會比較無厚身餅底咁膩。
發揮幾種芝士聚埋一齊嘅力量，輕易出現我期待嘅畫面…………………..拉絲。熱溶化嘅芝士係最好味嘅，食到芝士嘅咸香味，配埋薄脆餅底，熱辣辣放入口，真係”芝”味無窮。
呢客芝士炸西班牙帶骨豬扒 ($288)係新菜式，見到芝士兩個字，我又點能抗拒呢?!
外皮嘅炸漿係加入Parmesan，所以入口有佢嘅咸香芝味，面層再刨D芝士碎，真係”芝芝”了。
切開時外層會同肉分開，要將佢地合體再放入口
選配他他醬作為醬汁，等同食炸魚薯條，可以中和芝士同豬扒嘅膩度，計算得唔錯。豬扒肉質鬆軟，無渣唔乾身，要拍手掌。
店內播住八十年代外國熱播流行歌MV，好有感覺呀，今餐…………正!
#food #foodie #foodiehk #CWB #music #foodblogger #foodblog
沒有留言:
張貼留言