晚間開始有微涼感覺，亦係暗示火鍋季節又開鑼，今晚上黎呢度開餐
共有五個價錢嘅套餐，由美國高級牛肉 ($298/位)至A4日本和牛海鮮 ($598/位)，食足120分鐘
今次黎發現出面食品區加有幾款小食，如土匪魚旦及醬燒鷄翼
飲住杯下火滋潤凍菊蜜，食住小食等頭盤上場，個口好唔得閒呀..........
四選一嘅頭盤中，為咗唔好食得太飽，選擇味鮮卜卜蜆呢個相對輕盈D嘅。滾返起就可以起筷，材料除咗有蜆外，仲有唔少份量嘅蝦，加入大量蒜粒好惹味，BB辣食埋D粉絲，入口有蜆同蝦鮮甜味，呢個頭盤開得好呀。
火鍋材料用QR CODE自己落單，呢頭落單，果頭送到，無漏單
送上高級牛肉一客，包括牛下肩，牛板腱，牛胸爽，精選牛舌及雪花肥牛，有埋名牌知道食緊咩
除咗牛下肩，以上嘅牛肉都可以無限加添
8款湯底選擇呢個未食過嘅椰汁青檸香茅，用黎烚食材都幾夾，少少青檸嘅微酸，中和肉類嘅膩感，可以再食多D
每款切成薄片，相當易熟，食完滑口D嘅牛下肩，再食牛板腱，有D嚼口。
牛舌除咗燒，火鍋其實都好食，呢片滑口得黎帶點脆度，一次過食幾片都無難度。
除咗牛肉，當然叫埋其它材料，例如牛栢葉/豬肚/芝士牛丸/豚肉片等
粒芝士牛丸外面相當結實，咬入去係芝心，相當邪惡
仲有蟹籽墨魚滑，木耳餃及魚皮餃
木耳餃烚完仲係咁大隻，木耳加豬肉，食到麻油香味，食兩隻都夠數。
想食菜/其他丸類/響鈴/炸魚皮/蟹柳/菇類就可以自己出呢度拎
黎呢度係絶對要留少少肚去食甜品，台灣仙草凍可以自由配搭
雪糕杯雖然唔係名牌子，但有特別味道如豆腐/海鹽
我自己就食返碗木桶豆腐花，加黃糖正呀。
#ublog #food #foodie #hotpot #TST
沒有留言:
張貼留言