小白屋@Sweetology

已有一段日子無去過又一城行逛, 適逢要去買聖誕禮物, 任務完成後當然就係場內搵地方開餐, 諗返之前都食過呢間係溜冰場附近, 外型好似白色小屋既西餐廳, 見仲有位就一於行入去!
靚靚既白色主題佈置, 加上特設聖誕佈置, 好有外國小屋FEEL, 坐得幾舒服, 仲有播住輕快既聖誕歌曲伴食! 

見餐牌封面寫住All Day Breakfast, Dessert and Drinks, 當然唔只得All Day Breakfast食啦, 有Pasta/Rice Set, 仲有 Pizza

點左2個Pasta Set, 呢款係煙三文魚忌廉汁意粉($62), 賣相幾靚仔, 三大片煙三文魚舖上面, 面頭洒上少少芝士及香草碎

初試一口煙三文魚, 煙燻味唔算好重, 食落肉質幾柔滑又唔太咸, 菇菌作為配料, 有少少口感既意粉索到忌廉汁, 無論口感及味道都唔錯!

另一款為焗拿破崙茄汁香草腸長通粉 ($60), 上枱時已聞到好香茄汁味, 熔化左既芝士舖滿係香草腸及長通粉上, 令人口水直流

每一條既長通粉都有茄汁, 食落酸甜好醒胃, 亦可化解左香草腸既膩感, 配搭幾好, 一客份量適中, 仲可以有位食埋個甜品先!

甜品種類選擇多樣化, 有窩夫, 蜜糖吐司, 新地, 梳乎厘, 甜品控黎呢度就不得了囉...........哈

睇甜品版面已經被呢個朱古力及堅果蜜糖吐司盒子($68)所吸引住, 一客份量適合2人分享, 香脆 既蜜糖吐司已切好3條, 方便分享, 配上香濃既朱古力雪糕, 邪惡地再沾上朱古力香甜醬, 一次過放入口......................甜美味道令人覺得好滿足呀!

Pasta Set包柚子冰紅茶, 想飲咖啡奶茶或紅豆冰只需加$8, 我就點左呢杯熱咖啡, 香滑無比, 呢$8絶對抵加!

Sweetology地址: 九龍又一城UG層UG22舖

contact me :  gingerszeto@yahoo.com.hk
 

有辣有唔辣@友心私房菜

食米線我會叫酸辣/麻辣, 對於辣度我可接受既程度係小辣, 今晚居然會去食川菜, 又睇下我會唔會變孖潤腸出返黎?!.............哈!!
呢間主打川菜既食店, 前身係食傷心酸辣粉專門店, 店內設有卡位, 坐得都幾舒服, 幫襯既見有講國語, 甚至乎外國人, 吸引力果然夠大呀!  見枱上有呢樽魔鬼辣椒粉, 寫既字句好有威嚇性又充滿玩味, 我只觀賞, 無膽量去試!

打開餐牌, 食物賣相紅噹噹, 好彩食店設有6種程度既辣度, 由勁辣到走辣, 都照顧到不同顧客食到既辣度

可能迎合香港人口味, 呢度都有粵菜款式供顧客選擇, 仲有燉湯供應!

見到牆上有呢款鮮椒爽脆生腸 ($78), 作為頭盤都唔錯, 想講既係呢碟真係無改錯名, 果然夠晒爽脆, 生腸咬落去食到醬汁既味道, 少少辣多多脆, 絶對誠意推介

呢款黃燜湯鮮椒煮桂魚 ($288)係餐牌中特別推介, 侍應會問你想要既辣度, 原條桂魚浸煮於胡椒及鮮椒湯中, 魚肉鮮甜嫩滑無咩骨, 食時方便, 仲有魔芋條及酸辣粉作伴食, 開初食都未有咩感覺, 但愈食個咀唇就開始有麻痺感覺, 好過癮呀!

呢款有數不清既辣椒墊底既係重慶辣子圍蝦 ($158), 一碟份量頗大, 蝦既數量都多呀, 相當抵食!  圍蝦被油泡過後, 蝦殼都變成香脆, 味道有點似椒鹽蝦, 隻隻蝦肉彈牙, 咪見佢成碟辣椒, 但又唔係幾辣喎, 應該係廚師會就住顧客所選既辣度而調教!

食完辣野, 埋單時會送上呢款桂花凍作為甜品, 味道少甜似桂花糕既軟身版, 幾唔錯!!

慶幸有得選辣度, 今晚走時無變孖潤腸...............哇哈哈!

友心酸辣粉私房菜: 銅鑼灣渣甸街50號渣甸中心10樓

contact me :  gingerszeto@yahoo.com.hk
 

開動食甜品的胃@Joyful Dessert

旺角區甜品店有如遍地開花, 想站得住腳, 當然要有好質數既出品, 呢間有米芝蓮推指南推介作光環既甜品店可為當中之一!

食物選擇多當然會加分啦, 如果唔係食多幾次都試均晒, 你知香港人幾咁愛新鮮感架?!

今次我又搵到新嘢食, 包括呢款新上市"紫薯奶凍" ($54)

兩種紫色拼埋一起, 視覺上已經覺得浪漫, 呢兩種紫色分別來自主角之一紫薯, 面頭深紫色係紫薯蓉, 紫薯味相當濃, 而中間雪糕球食落就知係芉頭味, 淡淡香芉味製成既雪糕球, 口感香滑, 再配合底層既紫薯奶凍, 質感香滑無比, 甜度適中, 再加上灑薄脆片, 口感層次豐富左好多, 絶對不容錯過!

呢款芒果七彩椰果芭菲($59), 色彩繽紛, 好有治癒感, 數個成杯有9層, 頭頂係芒果雪糕, 隔以一層忌廉, 再一層係爆珠及椰果, 再一層芒果雪糕...........哇, 超邪惡, 香滑忌廉同有咬口既爆珠及椰果一齊食, 味道酸中又帶甜, 相當夾!


完全啟動左食甜品既神經, 再叫埋呢個朱古力香蕉窩夫 ($62)

三件朱古力窩夫, 配以一球朱古力雪糕及數片香蕉, 窩夫幾鬆脆及有朱古力味, 但個人喜歡食較鬆軟質感; 鐘意既可以一啖將雪糕, 香蕉及窩夫放入口; 想有儀態少少既可以淋D糖醬伴食...............

價錢與坊間差唔多, 但無論食物質數或份量都相當對眼, 令人食後與店名一樣好開心.........!!
Joyful Dessert House: 旺角黑布街74號藝興大廈地下2及3號舖

contact me :  gingerszeto@yahoo.com.hk
 

終極激光脫面毛大作戰 (第3回)- MediLASE專業之選

每次一收到佢地既溫馨來電, 心裏就好興奮: 「你好, X小姐, 我地係朗豪坊MediLASE打黎既, 想提提你約左X月X日X點上黎做Treatment......................... 」

因為知道明晚會去到位置超方便(朗豪坊辦公大樓28樓, 港鐵C出口一上就到)既朗豪坊MediLASE享受我既脫面毛之旅

簡約富時代感既裝潢, 一入門口就見到靚靚代言人謝婷婷, 相當吸引!

  

今次係做第三次療程, 登記完治療師就很快帶我入治療室

  

有左之前兩次既經驗, 知道晒程序由卸妝潔面開始, 帶好保護眼罩後就可正式開始!  一如以往, 服務細心既治療師係每打一次前都會數"123", 亦會話你知由邊個位置開始, 務求做到整個脫毛過程都一絲不苟! 而係過程中，治療師亦很關心我有否不適情況,  完成後亦會為我搽返保濕產品先離開, 更提我返去要做足補濕程序, 2星期內避免暴曬及做高溫活動, 亦不用花長長的療程時間去敷冰、吹凍風, 真係扮靚都要講求快靚正!

睇下.............只係做左3次咋, 基本上都唔係好覺有毛髮, 由其係上唇位呢D比較易見毛髮既位置!   因為MediLASE 採用PRO-U™ LASER TECHNOLOGY，即是755nm 波長+ 0.25ms脈衝+ 最大機頭24mm。而醫學証實755nm 比 810nm 波長的激光更易被毛髮黑色素吸收，為目前最有效的脫毛激光，更快達至永久脫毛。

另外24mm最大機頭覆蓋率高，比12mm細機頭更有效處理細小毛髮，而醫學證實大機頭令激光能量更能深入毛囊，脫毛效果更細緻。

而脈衝又是目前市場上最短的(市場上一般是3ms)，所以毛髮吸收的激光能量亦係最足夠，唔會好耐都脫唔淨D毛毛。

好多人講激光脫毛會痛或者會凍，聽到都怕。如果唔怕凍都可以去大品牌D記，佢地好細心，會幫您做足保護，唔怕浪費時間，會同你做傳統三重冷凍保護，敷冰，敷凍gel，吹凍風。但我做全面, 三重冷凍保護係保護到皮膚，但搞到個頭會赤赤痛，好難受。 而MediLASE最新脫毛科技，係無需敷冰，敷凍gel，吹凍風，一路脫毛一路有冷凍劑噴出，過程快捷又無乜不適。                   

而家無左毛髮既阻住, 連帶搽膚護品都更加吸收, 皮膚驚喜地更有光澤感, 哈...哈.....

  

另外上粉時你㑹感覺更加貼面, 觸感更細滑! WOW..............

  

期待下一次療程呀.........................

心動不如行動啦, 如果你都想好似我咁安全舒適咁脫去面上毛毛，就立即登記(https://goo.gl/BKQsQF)免費體驗PRO-Test啦!

品牌網址：

http://www.medilase.com.hk

療程由品牌提供, 內容純個人分享

MediLASE

Facebook : www.facebook.com/medilaseprou.laserhairremoval

微博: http://weibo.com/medilase

weChat : MediLASE無痛激光永久脫毛

contact me : gingerszeto@yahoo.com.hk

精簡法國菜@Oui Oui Bistro

好耐無同哈比去浪漫一番, 諗起之前食過呢間既BRUNCH, 覺得無論環境及食物都岩數, 未試過夜晚黎食, 今晚決定去試下!
店內環境燈光昏暗, 播著輕鬆音樂, 細細間但令人感覺舒暢, 枱上點起小蠟燭, 咁就做就呢一餐燭光晚餐!

喜歡上次能同店主交流下煮食心得, 係法國藍帶學廚既店主好希望能將法國菜帶比多D香港人認識, 見到店內宣傳今日由法國空運到港既食材, 包括生蠔, 精選魚類及龍蝦

打開餐牌由頭盤, 沙律, 主菜至甜品都有供應, 仲有酒類, 非酒精類及咖啡

就點左呢2杯Mocktails醒一醒神先, 兩杯賣相幾吸引, 左邊果杯係有檸檬, 蜜糖及薑味, 少少薑既辣味幾特別! 而右邊果杯係以雜莓MIX而成, 酸酸甜甜都幾好飲!

店主先送上自家食譜但外判製成既麵包, 細細個但好香, 食落質感有D咬口, 唔似坊間食到既空氣包!

沙律就點左忠粉既凱撒沙律(細), 爽脆沙律菜配上惹味自家製煙肉碎粒, 灑上芝士粉及醬汁, 味道吸引既!

頭盤係呢款用上4-5層製成法國薄餅, 每層中間係搽上芝士, 面頭淋上蕃茄醬, 店主提示要一口食晒, 咁先可以完滿地食到佢既味道, 帶酸既蕃茄醬配上軟滑芝士, 口感及味道配搭唔錯~

好啦.....主菜到, 我點了呢個法國春鷄, 嫩滑鷄肉配以自家製醬汁(包括有青椒, 洋䓤, 蕃茄, 鷄湯及白酒煮成), 味道偏濃味, 夾係雞肉上又好平衡返喎, 得左!

另一個主菜係西班牙豬扒配自家製紅桑莓醬汁, 店主透露帶微酸既紅桑莓醬汁可平衡豬扒既油膩感, 但其實我地又食唔到豬扒既油膩感, 反而食到佢煎到外圍帶少少燶香既質感, 厚切食落夠晒口感但絶對唔嚡口, 哈比一路食一路表示滿意!

環境氣氛咁舒適, 當然要食埋個甜品咁先完滿啦, 我地一致決定要試呢個正宗法籣西多士, 呢個真係不得了, 多士質感食落鬆軟, 中間唔會搽咩花生醬, 配以蘋果及自家製雲呢拿雪糕, 淋上超好味既焦糖糖漿, 一次過將多士, 蘋果及雪糕放入口, 不出5分鐘我地已經食完, 真係教曉我地真正既法籣西多士係點樣, 原來係非常好味道!

一路食, 一路同店主交流, 原本想同哈比二人浪漫一番都變左為吹水食經, 但絶對唔介意, 反而渡過左一個開心既晚上!

Oui Oui Bistro 地址 : 長沙灣福榮街5-12號依時大廈地下A舖

contact me :  gingerszeto@yahoo.com.hk
 

回春肌膚好品: 基本4點用後報告@Domohorn Wrinkle

不知不覺用左呢套"基本4點"已經1個月, 之前講過會分享返我既用後感, 當然唔會走數啦

按照指示的先後順序, 正確使用, 先能令產品發揮最大效力, 跟住數字就知道次序, 簡單易明

每款產品既包裝紙拆開後都會有文字解說使用方法, 即使唔識睇日文, 都有圖解!
4) Intense Hydrator 保濕液 (120ml)


1.分兩次塗上保濕液。 每次倒出份量為一元硬幣般大小保濕液在手掌上。把保濕液敷在面上，並輕輕按摩。
皮膚將會感覺潤澤，以手心撫臉時有黏貼的感覺。
2.再次在手掌上倒出相同分量的保濕液，按照相同做法讓臉部吸收保濕液。最後輕輕拍打臉部，完成護理。
小貼士 : 用指尖輕輕按在眼睛周圍。如把手背放在臉上時感到輕黏的，便代表臉部肌膚已經充分得到保濕。
5. Vital White Essence 美白精華素 (30 ml)


倒出兩毫子硬幣般大小的精華液在手掌上。把精華液點在額頭、 鼻子、 雙頰和下巴上， 然後均勻推開至整個臉上。用指尖輕輕按摩。然後拍打臉部促進新陳代謝、 令肌膚滿生氣。
小貼士: 眼部周圍及顴骨部分的皮膚容易積累疲勞。倒出兩毫子硬幣大小的精華液輕輕塗在上述部位。
6. Cream20 (30g)


在手掌上擠出約兩厘米的面霜。塗在額頭、 鼻子、 雙頰和下巴上， 然後均勻推開至整個臉上。用指尖慢慢在臉上由內至外按摩， 直至肌膚上沒有白色面霜， 這表示皮膚已經完全吸收精華液。
小貼士 : 留意按摩力度不要太大，由內而外用打圈的動作按摩。如需要的話，再次把適量面霜塗在容易顯露年齡的頸部肌膚，請從下而上塗上面霜。

7. Milky Veil Lotion 保護乳液(100 ml)


1. 在手掌上倒出五元硬幣般大小的乳液。
2. 把雙手輕輕合攏， 推開乳液。
3.用手掌和指尖在臉上輕按。直至手掌在臉上不再有黏糊的感覺。
小貼士 : 記緊以雙手輕輕按壓，確保每一寸肌膚都被Milky Veil Lotion 保護着。

咁就輕鬆地完成以上"基本4點"既護膚程序, 早晚同時使用, 你會發現皮膚柔軟度提升, 重回應有既光澤感, 效果令我滿意

睇完我既一個月用後分享, 有無心動呢? 心動就不如行動................
因為產品全部為日本製造, 香港沒有門市, 只需登入購買產品的網址：
https://www.domohornwrinkle.com/tc/domo/login
所有產品會由日本直送香港. 若產品在送達時發生了破損或毁壞, 顧客可以提出退貨/換貨, 給你十足信心
之後仲有有其他產品介紹, 記住留意我既分享啦........................................待續!!

contact me : gingerszeto@yahoo.com.hk