味覺及感覺良好@茶木

食茶木, 除了講心情, 仲要睇埋時間! 咁岩今日放假又搞掂晒D私務, 拎飛後只需等2張枱, 就一於棄壽司而食台灣料理

每次食茶木, 頭呢2樣係必叫 :
1) 紅燒牛肉麵
湯底較朗豪坊分店無咁咸, 牛肉始於都係咁軟滑, 一入口就化開, 蘿蔔就食唔到鮮甜味, 但好彩無渣

2) 綜合水果茶
味道酸甜, 有少少似益力多味, 有多款水果粒咬下, 每杯有2粒甜話梅, 今次呢2粒浸到無晒味, 有D失望
3)  糖心旦肉燥飯
隻糖心旦口感幾好, 而個肉燥味道唔會過濃, 用黎送飯唔錯

4)  芒果香草磚塊蜜糖吐司
食完主食, 見仍然有空間可以比甜品, 於是就..........................哈!
回想起第一次食時, 上枱時見到佢都不期然發出......................."哇"一聲, 份量足夠3-4人食, 邪惡程度................中上級!!

入座前, 侍應提醒用餐時間為90分鐘, 送餐速度都算快, 兩個人都可以好優閒咁用餐^^
contact me :  gingerszeto@yahoo.com.hk