香滑肌膚, 由Bourjois帶給你....

夏天一到, 又係手手腳腳見天既日子, 係街上見到唔少女士齊齊以背心, 露背衫同熱褲上陣, 確實係養眼! 但有d就只可以遠觀, 何解? 原因係一近睇就會發現身體上有粒粒(只怪唔注意身體護理, 只著重面部), 咁就真係扣晒分啦..............
面部我地會做磨砂, 但身體其他部份好多時都會被忽略, 要靚就要靚到底...........今次有機會試用Bourjois呢2樣身體護理產品, 岩晒夏天時份用,  一齊去睇下.........

排毒美肌磨砂沐浴乳 (Detox Body Scrub)
($78/250ml)

成份 :
葡萄微籽 - 去除老化角質之餘, 更能排毒抗氧及清潔毛孔
檸檬果肉 - 含豐富維他命C, 有助傷口復元及修補細胞, 更能美白及淡化暗瘡印功效

不含防腐成份, 通過皮膚學測試
法國製造

打開樽蓋倒出黎, 已經聞到檸檬果肉香薰味道, 當堂醒一醒神!~


磨砂粒子使用時唔會令你感到粗糙, 但又做到磨砂效果, 一邊沖涼, 一邊做埋磨砂, 慳返唔少時間同金錢!!

加水起泡後, 味道稍為減淡!

用完過水後, 皮膚仍然留有少許香味, 膚色變得明亮又滑手, 讚!
沖完白白, 第二朝起身出街, 都唔想滿身汗味, 變成"味女", 咁就要試埋佢先啦!

柑橘抗菌止汗劑 (Net & Frais Deodorant)
($68/200ml)

成份:
柑橘精華 - 有效保持肌膚一整天清爽感受
抗菌配方 - 有效預防細菌滋生, 有效持續24小時止汗防臭

不含酒精, 防腐及苯甲酸成份, 通過皮膚學測試
同樣法國製造~

有效24小時止汗防臭

一噴落液下位置, 感覺好冰涼( 朝早用後成個醒神晒!), 濃郁既柑橘香味就散發出黎(開始時都唔係好頂得住), 好彩一陣過後就無咁強烈!

呢隻止汗劑, 有別於之前用果d, 唔會有粉末留係液下, 無色只有香味, 唔會整污嘈衫!
朝早用完出門口, 係office經過大半日時間, 香味仍然keep到少少係度, 但止汗方面就似乎未算有效!!
總括黎講, 較為喜歡支排毒磨砂沐浴乳, 用後確實令皮膚變得滑滑, 感覺上同身體做深層清潔咁, 毛孔清潔左, 暗粒都生少左啦!! 咁著背心出街, 都無有怕啦!!