呢間裝飾走新式型格路線嘅中菜館，附設酒吧區，未開飯前可以飲杯嘢Chill 返下
呢輪係咁落雨，落到個人都有D悶氣，天氣確會影響胃口，好想食D濃味食物黎Cheer Up
打頭陣黎個惹味菜式先，就係佢啦..................豉椒炒聖子皇 ($156)
一客兩隻，以豉椒香蔥加甜椒快炒，鮮甜爽脆，一口一隻夠豪氣。
香脆食物從來難以抗拒，呢客外觀咁特別嘅係黑磚豆腐 ($88)，黑色係來自黑芝麻，又養生又型格
外皮夠脆香，帶有咸味; 內裏有嫩滑豆腐，一脆一滑，有D似食緊椒鹽豆腐。
以砂鍋上嘅台式三杯鷄 ($128)，打開蓋後未食已經聞到香味，食到尾段仍然可以維持熱度
油亮亮嘅鷄件，九層塔嘅獨有香味，被惹味醬汁包圍住，係一個超好送飯嘅菜式，比多少少白飯我呀唔該。
紅油除咗配炒手，仲可以配牛，呢碟紅油小炒牛 ($98)令我哋知道兩者可以做到好朋友。
紅油香辣刺激食慾，配以香味芹菜，牛肉鬆軟得黎唔會食到梳打粉之類嘅味道，就咁食或送飯都絶對適合。
燈光柔和，加上播住經典外國歌曲，唔會太嘈雜，可以好輕鬆咁食返餐中菜。
#ublog #food #foodie #foodblog #紫醉軒 #相機食先
