Falav: 10月 2019

2019年10月23日星期三

"超"可愛@聖誕限量shu uemura x Pokémon聯乘系列

號外...號外...................發現Pokémon突襲海港城，大家快D去捉佢啦...........

咪住........................睇真D，原來係聖誕限量shu uemura x Pokémon聯乘系列Pikashu pop up store!

今個節日shu uemura 與Pokémon擦出十萬伏特精彩火花，讓您化身Pikashu 精靈施展變妝魔法!
多款美妝產品都換上Pokémon包裝，可愛到一個點呀
換上秋冬色系眼影色盤，唇膏，眉筆

靚色胭脂，化妝掃

皇牌卸妝油及底妝產品

現場仲設有化妝柜位可以即場體驗各款產品

由即日起，黎到尖沙咀海港城pop up store不但可率先探索Pikashu精靈與聯乘系列，仲更可現場試玩Pokémon聯乘獨家AR filter與Pikashu見面！只要以 Pikashu 照相機拍下玩味照片，分享到個人社交媒體並 hashtag #PikashuHK #shuuemurahk，更可換領限量 Pikashu 貼紙及皇牌產品體驗裝！有得玩又有禮物，唔係唔黎呀?!

地點: 香港尖沙咀海港城海運大廈入口大堂
日期: 即日至2019年10月27日 (10am – 8pm)
#shuuemurahk #pokemon #Pikashu #PikashuHK #PikashuHolidayCollection #植村秀
內容為個人分享
contact me : gingerszeto@yahoo.com.hk

2019年10月22日星期二

一門雙傑@Lancôme 最新保濕氣墊粉底

氣墊粉底係我每日出門口前，必用嘅美妝產品，簡單易用慳時間，輕鬆完成底妝! 又到秋冬轉季日子，當然要轉用有保濕功效嘅產品啦!
呢盒係Lancôme嘅最新成員Blanc Expert Cushion Urban Duo Palette (HK$435)
，係締造無瑕美肌所必備嘅二合一產品。以原裝Blanc Expert Cushion為基礎，加配柔滑遮瑕膏，發揮雙重功效，係皮膚狀態唔太好時用佢，就可以隨時隨地防護及修飾皮膚。

粉餅藏身於綴上金色玫瑰標誌的奢華纖薄純白粉盒中，專為亞洲市場而設計。方便攜帶，能隨時隨地上妝、遮瑕和補妝。

Blanc Expert Cushion Urban Duo Palette正是兼顧上妝及遮瑕的二合一便攜粉餅。氣墊粉底能深層保濕，同時保護肌膚免受都市環境侵害，而柔滑遮瑕膏針對性修正黑眼圈及其他瑕疵。

全新雙面粉撲形如水滴，Ruby-cell的一面供抹上粉底液，另一面絨面則為黑眼圈細緻遮瑕，夠晒方便，能夠發揮上妝同時遮瑕的功效。

屬於自然偏淺顏色，鍾情化韓妝人士絶對適合

素顔時膚色唔太均勻，眼尾位置有深色素

易於塗搽上面，質地濕潤，有效改善因缺水出油而出現脫妝問題! 唔會做左面具人，而遮瑕度令人滿意，黑眼圈變得唔明顯!

而之前有用過嘅 Blanc Expert Cushion 保濕粉底 (HK$290) 換上全新升級配方，呢款氣墊粉底專為均勻膚色而研製，同時為肌膚深層保濕，秋冬乾燥日子用就更適合!
Blanc Expert Cushion的嶄新天然親膚配方，蘊含抗污染及抗氧化成分，配合SPF-36防曬功效，形成對抗環境侵害的防護罩，令肌膚水潤飽滿，從而發揮保護功能。日復日使用，膚質變得細緻，瑕疵得以減淡。化妝同時有護膚功效，勁呀!
配埋個限量版升級版瞬白亮肌氣墊粉盒 (HK$100)，銅金色蓋面，貴氣中帶點優雅

將氣墊粉芯合二為一，又係易於拎出街用

滿滿粉底液注滿於氣墊中，用附設嘅粉撲輕易塗取份量

質地透薄，柔滑易推

塗搽上面感到水潤，能保持底妝大半日，均勻膚色無難度!

以上兩款新出氣墊粉底於各Lancôme專門店及美容專櫃有售

#LancomeHK #BlancExpert #CushionUrbanDuoPalette
有關產品由品牌提供，內容為個人感受及分享
contact me : gingerszeto@yahoo.com.hk

2019年10月8日星期二

料靚湯底正@打邊爐

一早一晚感到微涼，莫非連天氣都提示我又係開始打邊爐嘅日子?! 友人同我去左呢間，睇個店名就知食咩

裝修走古色古香風格，以電子PAD代替傳統餐牌，多款火鍋湯底及配料選擇，亦提供小食，幾多元化!
3款自家製飲品 (菊蜜/竹庶茅根水/香茅檸檬薏米水) ($23)，每款都岩打邊爐，比飲汽水更健康，比支香茅檸檬薏米水我呀.......唔該!

等緊個湯鍋滾起時，食住呢客黃金炸淮山 ($88)先啦，望見咁多咸蛋黃醬汁包圍住D炸淮山，未食已知邪惡度爆燈

即叫即製，入口相當熱辣辣，一股咸蛋黃嘅香味佔據晒口腔內，炸淮山口感似食緊炸薯條，令人食唔停口呀!

係多款特色湯鍋中，呢客養生花膠翅裙冬瓜燉鷄鍋 ($268)能夠脫穎而出，不無原因嘅，只係睇D料就知啦!

超級足料，包括冬瓜環，花膠翅裙，竹笙，松茸，紅棗及鷄餚製而成
先飲啖湯，奶白色好鮮甜呀，不禁一口氣飲左一大碗; 跟住再食埋佢個花膠，夠大隻又黏口; 竹笙索湯爽口唔在講; 連帶個冬瓜件亦好鮮甜，再食埋少少鷄肉，超級大滿足!

侍應推介呢客日式櫻花牛肉 ($298)，可以一牛兩吃，賣相吸引，肉色鮮明，一片片舖成個山咁!

可以當刺身食，點配柚子醋，清新嫩滑!

放入湯拖幾拖就食得，肉味仲出，但仍然能保持果份嫩滑，略帶少少油香，比較喜歡呢個食法

呢度嘅丸/餃類都係自家製，咁就叫D試下啦
身為芝士控嘅我，呢客手打釀芝士鮮牛肉丸 ($55)絶對要點啦，唔係細粒架，快D放佢入湯先

烚完仲變大粒左D，咬落感到相當札實，有口感，裏面有芝士餡，可以做到拉絲效果，芝牛呢個好拍檔，又一次取得高分!

呢個瑤柱竹笙菠菜餃 ($48)係新出品無耐，隻隻乾身飽滿

餡料係滿滿菠菜，食到少少竹笙嘅爽滑感，調味得唔錯，第一次食呢種餡料嘅餃子，原來都確實令人有驚喜感覺，至少我有!

呢客皇帝菜 ($48)，擠到個器皿實一實，變成"擠迫戶"......哈...哈.....! 個湯底已經夠甜，烚完嘅菜入口仲帶多一份甜味!

已經食到好飽，準備叫埋單之際，服務周到嘅侍應送上呢客冰凍紅棗桃膠雪耳糖水作為甜品，夠晒冰凍又清甜滋潤，忍唔住食晒成碗，感覺舒服，為呢一餐寫上完美句號!

一餐打邊爐嘅成功關鍵，不外乎湯底及配料質素，呢間用足料，唔少仲係自家製出品，食客係食得出嘅! 邊有得拗?!! (哈..哈....)

打邊爐 : 佐敦廟街286-289號志華大廈地下A舖

contact me : gingerszeto@yahoo.com.hk