K Beauty轉眉色神器及舊客戶優惠

幾年前係K Beauty接受飄眉，Janey一直都有跟進情況，當我表示眉色開始變紅，佢就叫我返去睇睇咩情況

搬左新地方，位置仍然咁方便易搵，更大更明亮，更多獎項及證書


講番我條眉先，之前係選用啡色，又係關於色學變化原理，由於啡色係由紅色和黃色產生而成，一般黎講，黃色色素係會先褪去，餘下嘅就係紅色色素; 而有D敏感皮膚亦會較易變紅，呢D都係自然的現象。

呢度入左部儀器，Janey叫佢做"洗眉神器"，可以幫我解決眉色變紅問題。專業轉色療程可有效減退紅色，一般黎講接受1-3次已經可以退紅，我好好彩呀，一次已經搞掂，效果相當明顯。

而過程只係有D微熱嘅感覺，唔算係痛囉，所需時間仲好快，唔似以前洗眉方法可能造成流血破損，仲有好多名人及客人已經親身試過，大讚技術好，真係快靚正！
做完敷少少冰就走得，絶無任何紅腫，大約一星期後就可以補色啦!
今次補色都係由Joi老師操刀，專業技術令我放心，感謝老師令我一雙眉變得自然又醒神

補完色24小時避免沾水，再早晚搽上修復霜作護理就OK啦


現凡所有K Beauty 舊客户，參加補色療程均可獲贈免費專業轉色療程一次(價值$1280)。
想轉眉色從此無難度............哈..哈!

大家可以直接 whatsapp 9712 9988或至電3568 1487查詢詳情。
K-Beauty Institute : 香港九龍尖沙咀加連威老道10號加威中心5樓503室 
Facebook : https://www.facebook.com/K-Beauty-Institute-227016740837118/
內容為個人感受/分享
contact me : gingerszeto@yahoo.com.hk

超好味台式燒肉@橘炎胡同燒肉夜食

日韓式燒肉就食得多, 呢間由台灣開到黎香港台式燒肉就第一次食, 睇下有咩分別先!

 

呢度有吧位或普通式選擇, 吧位係以炭爐燒, 店員會幫你燒烤, 識食當然係用炭爐燒, 風味零舍唔同D!

未食過可以參考一下佢呢到推介, 款式有牛/豚/鷄/羊/海鮮/蔬菜, 仲有酒類供應

 

呢度牛肉係選用澳洲和牛, 價錢同質素都岩數, 唔會下下用日本和牛黎嚇親人, 令人食得舒服又滿足!

備有檸檬汁/蔥及洋蔥粒伴肉食............肉肉, 我黎啦!!

 

鹽蔥牛舌 ($98) - 薄薄一片牛舌已調好味道, 再舖上蔥粒一齊燒, 香味開始散發, 我口水已經流動.............

 

蔥粒同牛舌係做到好朋友架, 軟滑牛舌加上蔥粒, 點上少少檸檬汁一齊食, 未食完呢碟我腦海已經諗緊要唔要叫多客好呢?!

 

 

達拉斯 ($188) -  每日限量供應, 睇下佢脂肪分佈同顏色係幾咁誘人?!  先燒香四面鎖住肉汁, 要求五成熟就可以, 內裏仍然保持嫩紅色!

 

 

放入口咀嚼, 油份同埋肉汁係口腔爆發出黎, 肉味濃.........哇超好味呀!

 

想中和一點肥膩感, 用白飯配送亦係一個唔錯點子, 加點點青蔥及洋蔥粒, 無得輸呀!

 

 

梅花豚肩排 ($80) - 脂肪分佈平均, 厚薄適中, 肉質軟綿, 略帶少少焦香, 唔錯!

 

 

椒鹽鷄軟骨 ($80) - 個人比較喜歡食軟骨類, 呢客就開正我胃口!  爽脆口感, 食到蒜鹽味道, 用黎送酒真係無敵組合!

 

 

去骨鷄腿肉 ($80), 有幾隻味道選擇, 侍應推介呢客蒜蓉牛油, 鷄肉燒得外香內軟, 食時點埋蒜蓉牛油, 濃香蒜味首先跑出, 為鷄腿肉加添了一份惹味!

 

 

墨魚香腸 ($110) - 台式特色食物, 侍應將佢烤得外皮香脆, 咬落食到墨魚粒彈牙感, 亦食到墨魚味, 夠晒足料, 呢條香腸認真特別!

 

 

 

牛腰肉 ($118) - 呢款係餐牌上無, 由侍應推介!  切成粒狀一口一粒, 肉質超腍滑, 咬落仲有肉汁咇出黎, 好似食緊牛柳粒咁, 好正呀!

 

 

呢度每燒完一款就會換鐵網, 抽風系統做得唔錯, 食完都唔會滿身燒烤味!

 

 

 

橘炎胡同燒肉夜食 :尖沙咀寶勒巷３－７號萬事昌廣場１樓１０２號舖

 

contact me : gingerszeto@yahoo.com.hk