升級小紅瓶@SHISEIDO ULTIMUNE Power Infusing Concentrate

記得上一年用左呢支小紅瓶， 用後皮膚重拾應有光澤，望落明亮精神有活力感，自我感覺良好!  估唔到一年級我又重遇"佢"， 不過今次係全新升級版!

同上次一樣，未用前當然要做一次皮膚測試，了解一下自己現時嘅皮膚狀況!

利用SHSIEDO SKINsensor全球首個能檢測皮肌膚免疫力指數的儀器。只需5分鐘，便可準確感應肌膚免疫力指數，水份，黑色素、彈性、膚質年齡一目了然，深度了解客人的肌膚狀態。

唔...........測試結果與良好指數仍有一段距離 (OMG......)，好彩有"佢"!!!

SHISEIDO ULTIMUNE Power Infusing Concentrate 紅妍肌活免疫再生精華 (HK$860 / 50ml)

今次呢支係升級版，中間多左條銀線好易辨認

Infusing Concentrate紅妍肌活免疫再生精華，3步連環激活肌膚免疫力，重設肌膚年輕狀態：

1. 更生：促進免疫力細胞增生

2. 強化：全面增強肌底防禦力

3. 修復：啟動肌膚自我修復力量

乳液質地，帶有少許清新香味

質地輕柔易推，相比起上一代質感更為清爽

輕輕推開已經好快被皮膚所吸收，皮膚即時回復光澤

只需2揼就足夠塗抹於面上，搽上面感覺清爽舒服，升級版果然好嘢，要增強皮膚防禦力，當然會繼續使用，期待下一次皮膚測試會有進步....................待續.........

 "是次產品由theZtyle.com/品牌提供, 內容為個人感受/分享

contact me : gingerszeto@yahoo.com.hk

1噴搞掂"曬"@ISDIN 多維光護沁融氣感防曬噴霧SPF50+

夏天為除左為大地帶來雨水，仲帶黎燦爛陽光，勤工獎當然要出比太陽伯伯!  戶外活動時背心短褲呢D當然少不了，要保護皮膚免受紫外光侵襲，加速老化問題，一支好嘅身體防曬噴霧就變得好重要啦!!

繼上次用於面部嘅護沁融水感防曬液外, 用於身體嘅有佢......................

 

「ISDIN 多維光護沁融氣感防曬噴霧SPF50+」($269/250ml)

 

 

 

產品特點: 賣輕盈舒爽

                 不黏不厚重

                 戶外活動必備之選

                 防水防汗

 

 SPF 50+ PA+++ 全天候保護

 

                 

360度自由噴頭方便使用

 

                 濕潤肌膚（流汗、游泳後均可使用）

                 經皮膚科測試 不刺激皮膚 敏感肌適用

 

噴灑於身體, 感覺涼快

白色氣霧好快變成透明, 無黏笠感覺

免卸妝，沖涼時用沐浴露已可洗掉，連卸妝液都慳返， 簡單方便!

適合所有肌膚，敏感肌及孕婦都可以使用，自己用給送比朋友都無問題啦!

 

ISDIN屬於西班牙游泳隊、登山隊及多種運動賽事指定防曬品牌，曾榮獲2016TripAdvisor旅遊者喜愛防曬品牌及Tmall最佳用戶體驗等多個大型獎項。效果無容置疑!

銷售點：萬寧及 HKTVMall

FB: https://www.facebook.com/hkmegacombine/

IG: https://www.instagram.com/megacombine/

有關產品由品牌提供, 內容為個人感受/分享

contact me : gingerszeto@yahoo.com.hk

要雙眼動人, 就要有升級小黑瓶@LANCOME全新嫩肌活膚眼霜

相信現今女性每日對住個電子屏幕時間仲長過對住家人, 雙眼受到紫外光嘅侵害, 加速四周皮膚衰老,  真係會令你比實際年齡顯老㗎!!!!!  

唔想咁樣, 可以點樣?!  咪就係要用佢囉..................

LANCOME NEW ADVANCED GÉNIFIQUE EYE CREAM 全新嫩肌活膚眼霜 ($520)

 

Advanced Génifique 全新嫩肌活膚眼霜能煥發眼周神采，顯著擊退十大衰老跡象及疲倦跡象 —— 膚質、皺紋、膚色不均、緊緻度、彈性、欠缺光澤和活力、不夠柔軟、黑眼圈和浮腫。

全頼配方將 Advanced Génifique serum 升級版嫩肌活膚精華肌底液的經典活性成分 —— 酵母萃取物極致濃縮，為女性回復明眸神采。酵母是天然微生物，被廣泛應用於保健用途。全新配方有效撫平及提亮眼周，彷彿讓雙眼獲得充足睡眠，更能保護特別脆弱的眼部肌膚，展現神采飛揚的明眸。 

 

打開樽蓋仲有保護膠蓋，確保衛生時又可保持產品良好狀態

 

 

乳霜質地，輕柔易推，帶有微香味道，感覺令人放鬆

 

 

 

質地清爽，唔會有油黏感覺，咁就唔怕驚出油脂粒係眼部周圍, 令我用得放心!

 

搽於眼部再輕輕作簡單打圈按摩，先係即時減退乾紋，亦能改善浮腫感覺，雙眼望落變精靈， 自我感覺相當唔錯!  YEAH.........

 

 

有關產品由品牌提供，內容為個人感受/分享

contact me : gingerszeto@yahoo.com.hk

星夜中的晚餐@Starry Night

星期日嘅晚上, 係附近行完街又到開餐時間, 兩口子被呢條"食街"所吸引住, 其中呢一間西餐廳門口裝飾好岩FEEL, 再望下門口嘅餐牌亦都幾吸引, 見仲有枱就開門入內!

 

餐廳裝修似走工業風, 店內播住輕快節拍嘅外語歌, 感覺幾令人輕鬆舒服又唔太嘈炒!

 

望見水吧位放滿各式酒類及手工啤酒, 餐前黎飲返杯絶對係件美事

 

侍應見我地兩口子, 就推介呢個二人套餐, 只係$398, 係每個部分任選一項, 簡單清楚易明, 咁就呢個啦!

 

 

是日餐湯係忌廉南瓜湯, 賣相簡而清, 入口滿是南瓜蓉嘅香甜味道, 質感唔杰唔水, 份量適中!

 

 

呢客凱撒沙律以爽口羅馬生菜配上脆煙肉, 黑松露麵包, 帕爾馬芝士片及凱撒沙律醬汁撈埋, 份量都唔少, 多點綠色食物點都有益健康嘅!

 

小食其實3樣都喜歡, 當中要花上D時間去決定, 最終呢客煙肉芝士薯條跑出, 原因係有芝士及酸忌廉, 呢2樣食物加埋炸薯條嘅無敵組合, 真係令我抗拒唔到呢!

 

 

加入車打及水牛兩種芝士, 輕易做出拉絲畫面, 脆口薯條食起黎唔油膩, 混入煙肉脆粒加添咸香味; 再點埋酸忌廉, 一熱一凍口感相當滋味!

 

飯/意粉類叫了呢客蒜香蜆肉白酒扁意粉, 以新鮮蜆, 配合埋泰國辣椒,炸蒜粒, 洋蔥,蕃茜及白酒煮成, 香味四溢!

 

先撈勻扁意粉, 讓每條有口感嘅扁意粉都有白酒汁味道, 蜆肉雖然細隻但鮮甜又無沙, 最惹味係個泰國辣椒及炸蒜粒, 辣度輕微但令人起胃口, 好味呀!  唯一要挑剔嘅係份量再多D就好啦............哈..哈!

 

香辣刺激繼續黎, 呢客慢煮霹靂香辣春雞, 擺盤吸引, 以沙律菜及炒野菌作為伴菜, 而主角煮霹靂香辣春雞, 鷄肉上已經見到舖滿特式調味醬料, 隱約見到有辣椒, 邊位見到有少少焦燶, 惹香味更濃!

 

已預先切2件, 我得到嘅係脾位, 春鷄肉已經滑, 脾肉就更加滑, 單食感受到香辣味; 配埋個菠蘿沙沙一齊食就加多一份菓甜, 仲好味!  

 

 

呢杯甜美可口嘅菠蘿特飲, 香甜菠蘿肉加入梳打, 中和返個香辣春鷄好岩數呀!  延續返個菠蘿甜味!

 

侍應招呼週到, 主動換碟加水, 絶對值得再回頭.........................

 

Starry Night : 大角咀博文街8號地舖

 

contact me : gingerszeto@yahoo.com.hk

京菜一夜@北京老家

要食傳統京菜的地方買少見少, 今晚終於有機會黎到呢間京菜館與友人飯聚

 

內在裝飾佈置好"中國", 大紅燈籠高高掛, 難怪吸引遊客前來光顧

 

枱面下有亮點..................有金魚游來游去, 成幅畫咁靚, 未開餐前望住佢地都幾治療feel.............哈..哈......

 

餐牌上食物種類選擇相當多, 有D係見慣見熟食開嘅款式, 有D係未見過但相信係傳統地道嘅, 想食邊款都無問題

 

對於土豆絲有份情意結, 雖知道材料只有土豆絲, 但要整得好味都唔係間間做得岩口味!  呢度嘅土豆絲有幾種口味, 見天氣熱熱地, 就黎個涼伴土豆絲 ($72)

 

 

 

土豆絲切得公整, 口感相當爽脆, 淋上涼菜醬汁, 味道咸中帶酸, 簡簡單單都幾好味!

濃味之選點左呢客蔥爆牛肉 ($96), 蔥同牛肉嘅份量一樣多, 濃味醬汁包圍住蔥爆牛肉, 牛肉肉質嫩滑; 京蔥味道甜味, 兩者配搭好味道!

 

特登點多客蒸銀絲卷 ($38)用黎夾住食, 減底油膩感

 

另配練奶點黎食又係好滋味

 

 

呢碗酸辣湯麵 ($98)份量相當多, 足夠二人分享, 湯麵原來採用上海粗麵, 相當飽肚; 而個酸辣湯底味道幾平均, 材料方面只有豆腐, 木耳及蛋絲, 未見有豬紅及蝦, 略嫌湯嘅份量少左D, 同埋為免D麵索晒D湯, 都要快食先!

 

 

一客有6粒嘅小籠包 ($68), 放上枱後熱氣飄散, 飽滿嘅6粒已佔滿左整個蒸籠

用筷子夾位個頂篤位, 皮無穿, 輕輕咬一小口, 肉汁隨即大瀑瀉, 肉味幾香, 等待無咁熱時, 一口一個都可以, 保證每滴肉汁都無浪費!

 

 

其實已經食好飽, 但係見到有甜品供應, 驚醒左第二個胃!  久違了嘅拔絲香蕉 ($78)出場啦, 拔絲香蕉上有金黃糖絲灑上芝麻, 賣相吸引!

 

經過冰水洗禮程序後嘅糖包住香蕉, 外面變得硬脆, 內裏有軟滑香蕉, 唯糖面層較厚, 甜度蓋過了香蕉甜味, 食1-2舊已經夠晒!

 

侍應反應行動迅速, 又主動地提醒湯麵份量都幾大碗, 建議叫一碗食住先, 抵讚!

 

 

北京老家 : 尖沙咀堪富利士道堪富利士大廈2-3樓全層

 

 

contact me : gingerszeto@yahoo.com.hk