真正水乳交融@西班牙NO. 1 防曬品牌ISDIN

上個月經歷左連續發出酷熱天氣警告日子, 猛烈嘅陽光除左曬到人頭昏腦漲外, 仲會曬黑皮膚, 紫外線嘅侵害會加速皮膚衰老!  但又無可能唔出外架, 一支有效嘅防曬產品即時變得相當重要!

來自西班牙NO. 1 防曬品牌ISDIN，打破傳統以「仿水感」包裝防曬液，採用新研科技，打造一枝真正以水造的「ISDIN 多維光護沁融水感防曬液SPF50+ 」。

ISDIN原來大有來頭架，屬於西班牙游泳隊、登山隊及多種運動賽事指定防曬品牌，曾榮獲2016TripAdvisor旅遊者喜愛防曬品牌及Tmall最佳用戶體驗等多個大型獎項。

ISDIN多維光護沁融水感防曬液SPF50+ ($248 / 50ml)

無色配方 通透自然

光滑貼服 可作妝前乳使用

無油配方 全天候保持清爽 絕不堵塞毛孔

 

防水防汗 濕潤肌膚亦適用

SPF 50+ PA+++ 全天候保護

無酒精 不薰眼配方

經皮膚科測試 不刺激皮膚 敏感肌適用

含三大護膚成分 有保濕、抗氧化、舒緩日曬後不適等功效

白色乳液質地，帶有微香味

 

獨特沁融技術，水感輕透，一推即化成液體狀

基礎護膚後，取適量塗於面部、頸部及暴露於紫外線之肌膚。

搽完感覺較傳統防曬產品更黎得水潤, 唔會有"過白"問題出現

日間出門前30分鐘使用，若於長時間在戶外陽光下就建議每1－2小時補塗一次。塗抺方便又唔重， 拎出街補塗都好EASY!  返到屋企仲免卸妝，正呀!

睇完都想要返支?  可於萬寧及 HKTVMall和以下網址有售:

FB: https://www.facebook.com/hkmegacombine/

IG: https://www.instagram.com/megacombine/

有關產品由品牌提供，內容為個人分享/感受

contact me : gingerszeto@yahoo.com.hk

 

我的美白3寶@Lancome BLANC EXPERT

呢牌太陽伯伯好慷慨, 陽光大贈送, 行出街都感受陽光有多猛!  皮膚最怕就係紫外線, 日曬得多又唔做返適當嘅護理, 加速皮膚衰老, 見到膚色不均, 出色斑同乾紋咁就太遲啦!

邊個女生唔想自己皮膚白滑亮澤?!  為左應付炎夏同陽光玩遊戲嘅日子, 我有呢3件美白新法寶  :

 

想要日夜全面呵護皮膚, 呢支BLANC EXPERT DOUBLE AMPOULE 全方位瞬白亮肌美白日夜雙精華就幫到手啦! 

 

Lancôme 突破品牌配方界限，以一小瓶具備雙配方的護膚品，促進亮肌過程。雙配方配 合肌膚日夜不同需要，21 天療程，打造亮彩美肌。 

 

 

夜間配方︰由溫和去角質成分組成，包括藜麥萃取物，輕柔去除含有黑 色素的老化角質。褪去充滿黑色素的死皮角質細胞後，肌膚更亮麗，準備迎接翌日清早的護膚日程。 

 

 

質地好水凝, 帶有少許香味, 輕易滲進皮膚內

 

 

 

日間配方︰蘊含紅藻萃取物的全效亮白複合物，配方有助對抗肌膚色素失衡，令肌膚回復明亮及均勻。 

 

乳液質地輕柔易推, 用後皮膚變得水潤明亮

 

 

想再進一步KEEP住美白效果?! 咁就要用埋佢啦.......................

NEW BLANC EXPERT WHITENESS INFUSED MASK 全方位瞬白亮肌美白面膜 

 

Blanc Expert Whiteness Infused Mask 的升級配方蘊含 30%極致保濕的活性成分甘油，以及為人熟知幫助 對抗黑斑的紅藻萃取物，堅守亮白承諾。用後肌膚光澤顯著提升， 肌膚看起來更均勻亮白，滋潤飽滿。持續使用，色斑逐漸減淡。 

 

 

質地比較黏稠及帶有清新香味, 感覺幾令人輕鬆舒服

 

面膜在 15 分鐘後會從奶白色漸變成透明

 

 

一星期用三次, 效果更為顯著!!

 

膚色變得明亮均勻後, 都要做好防曬功夫, 以免又受到紫外線嘅侵害, 到佢出場啦........

 

NEW UV EXPERT YOUTH SHIELD™ TONE UP MILK SPF50 PA++++ 全方位防禦抗曬素顔霜 

 

 

品牌首瓶素顏霜具備超輕盈的乳液質感，升級版配方，能夠提亮膚色，賦活膚質，肌膚保濕長達 八小時，終極對抗污染物依附和紫外線侵害。 

 

素顏霜蘊含含鈦的珍珠貝母，幫助均勻折射光線，令皮膚透現光澤。 SPF50 PA++++ 高效防曬度有效保護肌膚，對抗紫外線(長波 UVA 和 UVB)、污染及氧化侵害，持久保濕 (長達八小時)。

UV Expert Tone up Milk 全方位防禦抗曬素顔霜還加入含鈦的珍珠貝母成分 Fairy Powder，幫助均勻折射光線，微微透現光澤。無色素成分令肌膚格外剔透亮白，綻放絕色光芒。Tone Up Milk 配方絕不添加防腐劑、礦物油、矽或色素。

 

 

水潤質地，輕輕一推就好易搽勻

 

膚色變得明亮及有光澤，比起以往用開嘅防曬產品較為滋潤

有左呢3支美白神器，美白防禦都照顧到, 今個夏天就可以無懼同陽光互動啦!

相關產品由品牌提供, 內容為個人感受/分享

contact me : gingerszeto@yahoo.com.hk

走下坡?!@半島露台餐廳

與舊同事既約會不定期舉行, 總愛回味舊事, 選擇一間唔會限你1.5鐘頭交枱既地方係首要條件!  呢間酒店既露台餐廳自助餐並非第一次食, 晚餐時段由六點至十點, 時間足夠有餘, 可以一邊吹水, 一邊享受美食!

人大了, 對於自助餐既食物要求係重質不重量, 呢度既食物選擇, 如以外間相比, 多多少少會令人失望

食物區係餐廳既入口位置, 方便兩邊客人拎食物, 通常一開始凍海鮮盤係最受歡迎(回本都靠佢), 呢度既凍海鮮盤類包括有:長腳蟹, 翡翠螺, 蚧蚶, 蝦及帶子; 當然唔少得刺身類, 大路如三文魚, 吞拿魚, 赤貝, 鯛魚, 甜蝦都有, 仲有精緻壽司, 款式又算多喎, 一口一件唔怕好快飽!

本應對凍海鮮有D期望, 但長腳蟹肉偏削, 肉質唔鮮甜; 蝦食落口感係得爽口感覺, 一D蝦味都無, 失望.....................

唯有呢款煮鮑魚安慰一下心靈, 口感彈牙, 食到醬汁味道, 食半打無難度!

凍肉區有各式凍切肉, 煙三文魚及煙燻火腿, 配以洋蔥圈或酸青瓜一齊食都幾好味

沙律區有預製或自由配搭, 備有多款醬汁以供選擇, 呢度有款名為Peninsula Dressing, 當然要試啦!

熱盤選擇以西式為主, 有燒牛肉及羊肉作招徠, 仲有約瑟布甸作配菜, 唔係好多地方食到, 羊我就麻麻地, 試左佢既燒牛肉, 肉嫩多汁, 不禁追加!

食到咁上下, 見佢有生果區, 幾款不同新鮮生果, 當然要食返D平衡一下啦, 佢既士多啤梨又甜又大粒, 睇我拎唔少就知好野啦:)

酒店出品既甜品又點可以錯過, 呢度種類都算唔少, 令人目不暇給

佢既蛋糕切得細細件, 唔怕一件已KO你, 估唔到佢既葡撻仔又做得幾出色, 唔太甜但外脆內軟滑

呢客梳芙厘係每人送一客, 即叫即製, 淋上酸味醬汁, 唔膩仲可以有位置食埋佢

包一位咖啡/茶, 仲有精美蝴蝶酥伴食

呢度環境優雅, 燈光柔和, 即使全場爆滿亦唔會有爭食/嘈吵場面, 唯侍應收碟反應略為慢左D, 試過幾次食完出去拎食物返黎, 隻碟仲未收, 呢點要多加注意, 話晒五星級酒店, 當然期望有五星級服務水準啦!

contact me : gingerszeto@yahoo.com.hk
 

為呢餐鼓掌@Odelice

提到食法國菜, 一定聯想到 : 價錢貴/份量少/食得耐又拘謹, 本來我都咁諗架, 但經過今晚呢餐, 我諗要改觀啦!

呢間法式餐館近金鐘, 港鐵站一出行幾分鐘就搵到, 見門口裝潢似係走法式小館路線!

 

打開門見到入座率已達七成, 柔和燈光配上木製餐枱, 牆上掛著帶有法式原素畫, 幾有外國情懷!

 

肚餓啦............叫嘢食先, 咪睇佢店子細細, 餐牌上提供由頭盤, 沙律, 意大利麵, 主菜, 法式蕎麥餅, 甜品及飲品都照顧到!

 

飲品呢度除左有酒精類, 梳打類, 沙冰類, 冰茶及花草茶供應外, 仲有天然鮮榨菓汁, 分別叫左2本同樣係綠色色系嘅果汁, 都係以蘋果, 青瓜為主調, 分別係一杯有西芹, 而另一杯係菠蘿!  有西芹呢杯飲落更加清新; 而有菠蘿嘅就多一份甜味, 真材實料, 飲左當食左生果!

 

 

頭盤先黎個生薑檸檬吞拿魚 ($138), 伴以菜苗, 車厘茄及青檸! 擺盤成一幅畫咁靚, 法國菜嘅精美度由此可見!

 

每片吞拿魚嘅厚度岩岩好, 太薄會無口感, 太厚會好快膩, 邊位以黑椒粒調味, 食到少少辛辣味; 魚肉保持嫩口無渣, 配埋個特色醬汁, 又帶少少甜味, 整體感覺幾唔錯, 唯獨薑味唔太食到!

沙律之選有呢客健康到爆嘅藜麥菠菜苗沙律 ($108), 加配煙三文魚 (另加$25)

 

顏色吸睛, 擺盤靚仔, 材料都幾豐富, 有含高蛋白質藜麥, 幾有口感; 捲成玫瑰花狀咸香嫩滑煙三文魚; 唔會羶味嘅綿滑羊奶芝士; 甜美紅莓乾粒; 大量爽脆多汁嘅新鮮沙律菜!  仲有2片烤過嘅麵包, 咁嘅份量, 絶對可以當一個午餐!

 

法國黑青口配薯條 ($175), 每晚限量供應, 當然一早留一份先啦!  

 

以白酒忌廉汁煮嘅法國黑青口填滿左整個熱鍋, 面頭灑上芫茜更添香味; 青口雖然唔係大隻種類, 但味道鮮甜, 幾重青口味, 本身嘅自然海產味配以白酒忌廉汁, 互相發揮味道但又好夾喎!  難怪差唔多係每枱必叫!  正呀!

 

 

當然唔能夠遺忘另一亮點 - 炸薯條!  無論點香蒜蛋黃醬或白酒忌廉汁都同樣好味, 唯個炸薯條可以走鹽以原味上就仲好!

另一主菜係呢碟美國西冷牛扒意大利扁麵 ($158), 一客份量足夠2人分享, 侍應一放底, 牛扒嘅肉香已經撲鼻!

 

已切成塊狀嘅西冷牛扒, 肉質幾香帶少少嚼口, 肉汁仍然KEEP到

 

而個意大利扁麵好有口感, 軟硬度適中, 每條意大利扁麵被蕃茄醬汁所包圍, 味道帶點酸甜, 中和肉類與澱粉質嘅結合, 好快又被我地幹掉! 哈..哈.............

 

侍應招呼周到, 每食完一味菜都會細心換碟, 呢餐輕鬆法國菜, 食得開心又滿足!!

 

 

Odelice : 灣仔蘭杜街2號地下9號舖

contact me : gingerszeto@yahoo.com.hk