開餐新點@芽莊

之前既呢間舖係CAFE, 依加就變成食越南菜, 望落門面似係走新式風格, 起碼唔見到身穿越南長衫既接待員

 

店舖設內外用餐區, 面積唔算大, 枱與枱之間都比較迫狹

侍應送上餐牌, 每種食物種類以唔同顏色紙區分, 食物款式主要以飯, 粉, 小食, 越式三文治, 亦有特式飲品供應, 最亮眼係"不設加一"呢4個字..........哈哈..........

 

作為晚餐之選, 主要點左呢2碗粉作為主菜 :

天氣轉涼了, 想食碗熱湯粉, 呢碗手撕鷄湯粉 ($68), 鷄絲舖滿係河粉之上, 配以炸蒜及䓤粒增加香味!  

 

先飲啖湯試下味, 幾鮮甜夠晒味, 鷄肉食落有少少鷄肉味但質感有D嚡, 而河粉比較厚身, 口感唔夠滑!  一碗份量剛好, 唔會話好飽, 仲有位置可食其他菜式!

 

 

友人一睇餐牌已選中呢碗燒牛肉撈檬 ($60), 檬既份量唔算多, 反而佢既燒牛肉比較之下就算多喎, 都有成4大舊!

 

牛肉燒得幾香口又夠熱, 肉質唔會乾及嚡, 調味得唔錯, 配以撈檬既酸汁一齊食又幾夾!

 

最愛既牛油鷄翼 ($48/4隻)出場, 伴以少少沙律菜, 4隻鷄翼都好飽滿, 炸至金黃色都幾靚仔

 

熱辣辣放入口, 皮脆肉嫩, 肉汁流出黎, 唔怕辣既可以點少少辣醬就仲惹味, 好味道!

 

侍應服務態度都算殷勤, 叫加水都好快回應唔會認左你之後又無左件事, 回頭率都應該高!

 

 

芽莊越式料理: 將軍澳POPCORN 1樓F18號舖

 

 

contact me : gingerszeto@yahoo.com.hk

 

食太飽@千鍋水產道場

係香港開舖做生意, 真係唔食都要將大部份收入"貢獻"比租金, 難怪坊間好多食肆都限時90分鐘要交枱, 唔翻多兩張枱點夠數?!  難得友人話我知呢間火鍋店可以任食5.5小時, 開初我以為聽錯, 原來係真架!!

打邊爐最先要選好湯底, 呢度有幾款湯底任選, 加$28可以有鴛鴦鍋, 我地清清地要左呢個山地野菌清湯鍋, 湯料包括野菌, 清淡得黎同各式食材都會做到朋友

 

侍應介紹番呢度每枱都會預備"環球美食菜式" , 因限一次! 另外亦有追加特選推介!

 

呢度既"環球美食菜式"之一係象拔蚌五品刺身, 賣相靚仔, 比佢既蝦吸引住, 超大隻, 味道鮮甜; 象拔蚌雖然薄身左D, 但食落鮮甜, 過下口癮算唔錯!

 

呢碟安格斯牛小排亦係成員之一, 份量非常足(呢客係二人份量), 肉色鮮紅靚仔, 脂肪分佈平均, 烚完都唔會嚡口, 肉味幾濃, 正呀!

 

 

呢個海鮮盛盒送上枱時又係另一驚喜之一, 海鮮種類都唔少, 有蝦(爽口彈牙), 蟶子, 貴妃蚌, 鮑魚, 蜆, 鯇魚片等, 最愛貴妃蚌, 夠口感又爽甜

 

手打薑汁貢丸及手工餃子亦有特色, 一咬粒丸汁液"咇"出黎, 食到陣陣薑味, 幾特別; 另外個餃子包得漲卜卜, 餡料鮮甜, 唯個皮可以薄返D就仲好

 

至於其他食物如蔬菜, 丸類, 菇類, 油炸野可以出去隨便拎, 食材加添得好快, 唔怕會拎唔到

 

 

 

呢度仲有熟食供應, 火鍋未食得時可以食住先

 

 

打邊爐點可以唔飲番D凍飲, 成大個雪柜整齊排列各式飲品, 酸梅湯都有, 真係各色其式

 

呢度仲有甜品區, 精緻蛋糕, 奶凍, 果凍, 生果都有, 味道都唔錯

 

 

想食仲冰凍既野?!  呢度仲有雪糕杯及雪條, 唔怕你食, 只怕你唔食

 

侍應反應夠快, 主動收碟加湯, 同友人慢慢食, 慢慢傾, 離開時, 褲頭點解緊左咁多既..........................?!

 

 

 

千鍋水產道場 : 銅鑼灣霎東街33號智假日酒店3樓

 

contact me : gingerszeto@yahoo.com.hk

 

唔做乾面女@Dr.G

好不容易先感覺到秋冬天既來臨, 開心既係冬裝終於可以上場; 唔開心係濕度偏底, 皮膚容易變得乾燥, 洗完面後要立即進行護膚程序!  要保養好皮膚, 首要條件係要唔好比佢乾燥!!

收到呢盒Dr. G 水凝舒緩保濕面霜 ($324/50ml)

 

來自韓國嘅護膚品牌Dr.G深層水凝保濕系列, 就是專為敏感乾燥肌膚而設。內含透明質酸等多種天然保濕因子及滋養保護成分，從底層解決乾紋、繃緊等肌膚問題。此外，系列更有效強化肌膚保濕屏障，為肌膚補充水分和營養之餘更能有鎖水功效。而產品均通過皮膚過敏測試，無論是容易敏感發炎的肌膚或因缺水而導致的問題肌也適合使用。 

主要成分包括6種天然保濕因子及月見草油，為肌膚高效保濕鎖水，更可舒緩敏感發炎嘅肌膚。另含有生物醣類及葡聚醣，可加強肌膚屏障，提升肌膚免疫力，形成肌膚保護膜，幫助肌膚吸收後續護膚品；葡萄籽萃取具抗氧化功效，令肌膚更顯明亮。 

 

湖水藍色包裝, 比人一種水既感覺

 

扭開銀色樽蓋, 見到密封包裝, 保證品質衛生

 

 

 

 

乳霜質地, 質感輕柔易推, 帶有清香味!  用於乾紋位, 被吸收後乾紋消失晒

 

 

使用方法：使用精華素或面膜後，均勻塗抹於面部及頸部，再以指頭輕按肌膚以提升吸收度。 

 

質感輕盈不油膩, 清爽地滋潤皮膚，並於皮膚表層形成一層保護膜咁，長時間鎖住水份，即使訓醒後皮膚仍然保持水感!  當你照鏡發現乾紋消失/上粉時感到比較貼面就知有效果!

Dr. G全線產品由莎莎獨家代理及發售

產品由品牌提供, 內容為個人感受/分享

contact me : gingerszeto@yahoo.com.hk

運動良伴@Sudio TRE

一向喜歡簡約設計, 之前收到來自北歐瑞典設計Sudio無線藍芽入耳式耳機後, 一直都伴我左右! 今次又有機會認識佢另一位成員 - TRE

未見真身, 先見到呢個咁靚既包裝盒, 貫徹始終設計精神 - 簡單型格

 

TRE 係Sudio 獨家設計師 Mats Wallsten 所參與的第六個耳機研發項目。而作為一款開放式藍芽耳機， TRE 專為熱愛運動型生活風的朋友而設計，並為使用“入耳式”耳機有困難的人群提供更多一個選擇。

 

 

 

 

主要功能：藍芽4.1技術／9+小時續航力／高清音質麥克風／Siri語音聲控／aptX™音訊編碼技術／10分鐘快速充電

 

其他顏色選擇 : 粉紅 / 白 / 深藍 

 

 

除左耳機外, 包括以下配件:

 

- 三種不同尺寸客製化的鰭狀防滑穩定翼，確保運動時達到最佳固定效果

- 叉電線

- 真皮收納袋延長耳機使用壽命

 

全來自北歐瑞典的簡約設計

 

 

做運動時, 遇上雨水/汗水係好正常不過嘅事, 所以呢個耳機係日常防水防汗設計

 

鰭狀防滑穩定翼帶得舒適, 貼實耳窩, 完全做到運動時(尤其係跑步中)嘅固定作用

 

而且操作簡單, 上(+)下(-)按鈕聲量/向前後2秒; 中間按鈕可用作開啟/停止/接收來電/Siri語音聲控

 

 

而貴為sudio官網上訂購顧客，只需要告知電郵地址，姓名，亦或 Order   number即可查詢到購買情況，方便查詢是否在保固期間內。無需提供收據或保養卡片，十分便捷。  在sudio官網購買給j客人多一分保障，多一分方便，多一份安心，所有購買數據都方便查詢。即使購買郵件丟失亦無須擔心，客戶團隊都能根據電郵地址為客人查詢解決。

睇到呢度, 係咪心動呢?  即時送你: 

 

85折優惠代碼 Falavgift ＋ FREE gift packaging（價值$30）、全球免運、三天快遞送到家 

而呢個活動僅支持sudio HK/Macau官網購買（www.sudiosweden.com/hk）用戶,  活動時間會於Gift box送罄時結束!!

另外, Sudio三款無線耳機產品（ TRE 779HKD, VASA BLA 619 HKD, REGENT 779HKD)今個秋天有驚喜調價。用更低的價格就可以有高質素享受。

咁著數, 訂來作為送比自己/朋友既聖誕/新年禮物都係一個非常唔錯既選擇

 

港澳門官方網站：https://www.sudiosweden.com/hk/

facebook專頁：https://www.facebook.com/Sudiosweden/

Ig專頁： https://www.instagram.com/sudio

 

有關產品由品牌提供, 內容為個人分享/感受

 

 

contact me : gingerszeto@yahoo.com.hk

 

好酒好肉@串酒里

山林道一帶都有唔少食店, 呢一間似乎係新開既串燒店, 打正旗號主打串燒及酒類, 反正好耐都無食過串燒, 門口個牌上食物價錢唔離地, 咁就一於黎個串燒今晚夜

食店有室外同室內選擇, 咁熱既天氣同我地又唔食煙, 當然選擇坐室內啦, 仲可以望下是日推介有咩好食先

串燒種類選擇多, 分鷄, 豚, 海鮮, 蔬菜及店內推介, 有選擇困難症既友人又發作

  

由本地釀酒廠麥子釀造既獨家粗口手工啤酒 ($68), 六種口味, 玩味十足之餘又帶點親切感, 本地嘢, 無理由唔撐呀?! 若然多幾個朋友一齊飲, 真係可以組返句句子.............(哈..哈)! 

我選擇左呢有香桃紅菜頭成份既"你", 飲落偏桃味, 特別得黎都幾容易入口~

呢客川燒爽彈火鷄腎 ($32/2串), 口感相當彈牙, 食落唔乾身, 配埋惹味調味粉, 味道唔錯!

佢地燒蠔都有幾種燒法, 我地試左呢款日本鷄蛋燒廣島蠔 ($69/2隻), 店員話要連埋蛋汁一齊食,  蛋汁加添左香滑度, 蠔本身唔算大隻, 但食落都有蠔味!

燒好既鷄泡魚乾切成一條條就成為呢客惹味汁燒鷄泡魚乾 ($49), 魚乾本身搽埋醬汁, 燒完都唔太乾身, 味道偏甜, 再點少少沙律醬一齊食, 甜滑度再增加!

辣味刴椒燒8吋虎蝦 ($49/1隻), 刴椒放上蝦身一齊燒, 少許辣味滲入去彈牙蝦肉, OK既!

汁燒娃娃菜 ($19),  燒BB露荀 ($39), 2 款燒完都仲好JUICY, 娃娃菜搽左醬汁一齊燒, 食落味道甜美多汁; 而個BB露荀食落無渣, 果然夠BB!!

鹽燒厚切牛舌 ($49), 牛舌採用草飼牛, 比穀飼牛更低脂及膽固醇, 厚切令口感爽口又多汁, 必叫之選!

扎幌芝麻香燒鷄翼 ($24/2隻), 鷄翼飽滿, 燒得皮香肉嫩, 加埋芝麻既香味, 更加香口!

生燒勁辣大鷄脾 ($49), 上枱時簡直嚇我地一跳, 超大隻..............廚師將鷄脾界一刀再平放, 製造成一塊"鷄扒"咁, 切起時相當方便; 話係勁辣, 其實只係微辣, 鷄肉超嫩滑, 價錢同份量唔成正比呀!

香草燒紐西蘭羊架 ($59/2隻), 用手揸住錫紙部份進食超方便, 羊架帶點"膻"味, 配合埋香草一齊食係傳統做法, 肉質燒後唔嚡同乾, 喜歡既可以唧少少檸檬汁點綴!

侍應服務良好, 每當你點既菜式全部上晒時佢會話你知, 呢點都幾好喎, 尤其係食串燒時你係唔會記得你點過D咩, 當知道食晒 ROUND 1時又可以再叫ROUND 2..............!  GOOD!!  同埋無需擔心食完會一身燒嘢味, 因為係廚房燒好先上枱, 聞到既只會係食物既香味!

LIKE 佢 FB有嘢送:

串酒里: 尖沙咀山林道6號B舖

contact me : gingerszeto@yahoo.com.hk