記得幾年前從登記領取試用裝而初次認識Domohorn Wrinkle 呢個日本護膚品品牌, 估唔到今日受Domohorn Wrinkle邀請，試用其產品四個月
SAISHUNKAN於1974年研發出年齡肌專用的基礎護膚品「Domohorn Wrinkle」。之後， 更持續學習漢方與自然之道理，並積極吸取現代科學的成果,每隔數年就更新成分一次，不斷致力提高産品的品質。因為所製造的是毎天都直接塗上肌膚的産品,所以公司竭力講求讓顧客安心的品質。堅持採用製造醫藥品的嚴格品質管理(GMP標準)，用以生産Domohorn Wrinkle系列。公司認為講求品質比效率及速度更為重要，這是它們的態度和堅持(果然係一貫日本人做事既認真態度)。
Domohorn Wrinkle 的目標是透過增強肌膚的自我修復能力，預防皺紋和老人斑。而每項產品之間能互相產生相乘作用，在肌膚發揮最大功效。改善年肌煩惱的關鍵，在於提升隨年齡增長而衰退的自我回復力。使用全線產品比使喚醒肌膚潛藏的力量。每天持續護理肌膚，提升肌膚自我回復能力，達致完美無瑕，肌膚。
在日本，800萬名客人親身體驗過Domohorn Wrinkle的功效，並獲得許多正面評價。
品牌更於台灣節目「女人我最大」及該系列入選「2016美妝大賞」: http://mr.mina.com.cn/hufu/111169.html
隨住年齡增長, 皮膚質素每況愈下, 膚色明亮程度變差, 底層缺水令毛孔變得明顯, 彈性緊緻性亦減低!
收到既呢4款產品名為"基本4點", 呢4項產品不單令功效「提升」，更是「倍增」，喚發肌膚神采，緊緻亮白，令營養更能滲透。
全部產品為日本製造, 密封式包裝, 香港沒有門市, 所有產品由日本直送到香港, 送到手中的產品上均標有生產年月日印記!
清潔完面部後就可逐步使用:
1) Intense Hydrator (120ml) - 給予滋潤後肌膚變得柔軟，能調整肌膚水通道，令產品成分容易滲入肌膚內。
蘊含兩種分子大小不同的透明質酸：較大的分子停留於肌膚表面，慢慢滲透；較細的分子則迅速滲透至底層角質組織，發揮由內至外的滋潤功效。兩種大小不一的透明質酸互相配合，令肌膚徹底水嫩潤澤。
塗抺2次於全面, 先按壓, 後輕拍, 質地水感!
2) Vital White Essence (30 ml) - 激活基底膜，加快新陳代謝，締造充滿活力、具透明感的緊緻肌膚。
為肌膚的核心提供大量養分的藥用美白*精華素。加速新陳代謝，促進自我回復能力，重拾充滿活力、具有透明感的肌膚。
將精華液點在額頭, 鼻子, 雙頰及下巴上, 全面推開後再以指尖輕彈, 質地輕柔易推!
3) Cream20 (30g) - 為肌膚回復膠原蛋白，對抗老化的暗啞，重拾柔軟回彈的肌膚。而且有效加強運送水分及營養到深層皮膚，賦予肌膚優質的膠原蛋白，支援肌膚內部膠原蛋白增生，以支撐皮下脂肪。
將面霜點在額頭, 鼻子, 雙頰及下巴上作輕輕打圈按摩, 質地幼滑, 亦係好易被推開!
4) Milky Veil Lotion (100 ml) - 基本4點的最後一步，能鎖緊肌膚得到的水分和營養，成為保護年齡肌的第一防線。鎖緊使用至Cream20的營養，守護肌膚遠離各種外來刺激及內部傷害。
將乳液到於手掌中推開, 然後按壓於面部, 直致手掌在面上無黏著感覺!
首次使用呢4款產品, 用後感覺皮膚被滋潤了許多, 光澤感都提升! 有d驚喜喎..........
未來三個月我會繼續使用Domohorn Wrinkle 產品, 當然唔少得係用後皮膚狀況分享啦.............待續!
contact me : gingerszeto@yahoo.com.hk
天氣忽然轉冷, 芝士火鍋繼續狂熱, 呢間主打食鷄煲既食店有芝士鷄鍋/麻辣鷄煲, 身為芝士控的我, 當然為左呢煲芝士鷄煲而黎啦
有大小份量比你選擇, 2-3人適合小煲, 呢煲就係小鍋黃金芝士鷄煲份量, 放係電磁爐上用"保溫"MODE熱熔芝士碎就食得, 配料包括芝士碎(可自選份量), 洋䓤, 打開煲蓋就聞到好香芝士味, 鷄件頗大件仲幾多, 芝士已被完全熔掉, 鷄件被濃香芝士汁包圍住, 食落香滑芝味, 我呢個芝士控對於呢個芝士鷄煲表示滿意!
食完芝士鷄鍋, 侍應就會幫你加湯(有芝士濃湯及清湯2種), 呢個時候就係選擇火鍋配料, 落單紙食物種類都好多, 有海鮮類, 肉類, 丸類, 蔬菜類, 酒水類, 有選擇困難症既朋友又病發啦!
經過一輪討論, 得出以下精選食物 :
火鍋之中又點可以無牛, 和牛略嫌佢油左D, 都係選擇手切新鮮牛頸脊 (小) $208, (小)份量都唔算少, 厚薄適中, 烚完之後食落仍然有口感, 肉味頗濃又唔肥膩, 超推介呢款!
牛柏葉($38), 完全因為情意結及太耐無食, 一碟份量頗大碟, 唔知係咪因為火鍋配料關係, 每件亦係切得頗大件, 幸好烚完食落唔會咬唔開, 無梳打粉漂白味, 估唔到佢同芝士湯底又夾到喎!
見到隔離枱碟花枝片幾靚仔, 望下價錢都係$88, 一於死跟.................切花枝片得厚薄適中, 觀感幾新鮮, 烚完食到鮮甜味又唔韌, 墊底仲有金菇菜同粉絲, 抵食指數又提升左!
見佢宣傳紙上有推介出前一丁($12), 腦海即時出面邪惡芝士麵, 每條麵沾滿芝士汁; 再點多個娃娃菜(半份/$22), 娃娃菜烚完似係改良版奶油津白, 更加鮮甜, 2者結合簡直無敵!
食物質數唔錯, 每樣食物份量唔少, 下次同多D人一齊黎就可再叫多D, 回頭率一定唔低!
米走鷄地址 : 太子彌敦道761號太子藍馬之城2樓
contact me : gingerszeto@yahoo.com.hk
期待已久既天氣終於轉涼, 涼涼地梗係火鍋既最佳出場時間, 呢間以無限時"鷄煲海鮮肥牛火鍋"作賣點既火鍋店, 係坊間多數限時2個鐘任食, 呢間果然係有亮點呀!
上到一樓係用餐區, 由於時間尚早, 唔太多客, 坐得幾舒服, 但之後就不斷有客到來, 氣氛變得好熱鬧!
侍應講解進餐程序係先食鷄煲, 辣度可以選擇大中少辣或唔辣都得, 個人覺得少辣會好過無辣, 呢煲係二人份量, 都幾適中, 唔怕食完鷄煲都無位食火鍋; 一開始侍應會加埋紅薯粉入內一齊再加熱, 鷄件伴住當中既大量芫莤, 薑及紅洋蔥加惹味醬汁, 食落少辣味道惹味, 肉質唔算太嚡亦食唔到雪味, 而D紅薯粉已經索晒D醬汁, 煙韌有咬口, 絶配呀! 抽風系統勁, 食完唔係一身鷄煲味!
食火鍋往往會飲唔少凍野, 若果逐罐計錢都唔少野, 呢度係包埋任飲既, 仲有自家煲既雪梨茶, 減少熱氣, 滋潤度大增!
2位以上送蕃茄薯仔原隻龍蝦湯底, 真係原隻無花假, 係未落任可火鍋配料前, 先試下頭啖湯, 哇............. 有蕃茄既酸甜味又有龍蝦既鮮甜味, 清甜到爆!
之後當然要食落隻龍蝦先啦, 蝦肉份量唔算少, 食落有少少OVERCOOK左, 但都不失有佢本身既鮮味!
侍應會送上海鮮拼盤, 提議每款只需烚分零鐘(鮑果需要兩分半鐘), 哇.............種類都唔少, 包括扇貝, 鮑魚, 廣島蠔, 黃金甲, 蟹, 海蝦, 青口及鯇魚片
款款都鮮甜, 唔會因係任食而將貨就價, 特別喜愛佢既鮑魚及特大扇貝, 口感好好又夠鮮甜!
食到呢度, 基本上都已經飽左一大半, 但未完架, 侍應再送上其他火鍋配料, 包括安格斯肥牛, 精選丸類, 菇類及田園蔬菜
最令人驚喜除左肥牛真係食出有濃香牛味, 響鈴索晒個鮮甜湯底, 一咬D湯汁係口內爆發; 另外亦發現有疑似MINION既芝士丸, 幾過癮喎
要讚下呢度既侍應服務態度一流, 反應夠快, 主動為客人更換碗碟; 食物水準相當不俗, 星期一至四無限時任食任飲, 真係要諗下究竟老闆係點可以維持生意架? 或者應該係食物好, 服務態度好, 得到食客既不斷支持卦.................除非唔係!
同人鍋地址 : 尖沙咀山林道29-31廣利大廈1樓及地下4A號舖
contact me : gingerszeto@yahoo.com.hk
我一直都成日都心思思想做全面脫毛, 但始終做係面部喎, 當然要搵間信譽良好又夠專業既脫毛中心啦! 向有相當脫毛經驗既朋友打聽後, 都推薦兩年內有超過20萬個正評既激光脫毛中心- MediLASE (http://www.medilase.com.hk/)
放工後就黎到位於旺角朗豪坊辦公大樓28樓既MediLASE朗豪坊旗艦中心, 位置相當方便, 搭港鐵一出就可到達! 一踏入中心, 就見到大大個代言人謝婷婷既宣傳燈箱, 相當吸睛!
白色為主既裝飾, 空間感夠大, 坐於此等候區, 感覺舒適!
親切有禮既接待員登記後, 就填寫詳細既療程前問卷。 唔好睇份問卷好似有點複雜，原來問卷是用一個專業的醫院管理系統做filing ---「DCIMS醫療電子服務追蹤系統」，而且脫毛過程由臨床光學專家及註冊醫生組成的Clinical Department監管，全方位智能追蹤及監察療程進度，仲有24小時提供專業醫學分析及建議，確保治療後肌膚無問題
跟住，光學療程總監就細心講解整個療程步驟, 以及了解我既身體及皮膚狀況, 亦詳細解釋激光脫毛既知識同埋療程前後注意事項, 確保客人係適合接受激光脫毛療程, 絶對唔會因為要做你生意而疏忽, 讚!
終於明點解MediLASE兩年內有超過20萬個正評? 因為效果好及服務好就自然多人推介!
首先，我了解咗「光學能量」同「冷凍技術」呢兩大因素會好影響脫毛效果
而MediLASE 採用獨家PRO-UTM LASER TECHNOLOGY，再配合24mm機頭，增加毛髮覆蓋度，再細小的毛髮及轉剿位都逃不過24mm機頭。而且醫學證實，機頭愈大愈可以令激光能量深入毛囊，做到永久脫毛效果。
另外，MediLASE其冷凍技術採用最先進的 PRO-UTM EPID-COOLING SYSTEM，內置式冷凍裝備發射-20°C冷凍劑，有效冷凍皮膚表皮層，同時不會影響毛囊溫度。相比舊式冷凍方法如敷冰、敷凍GEL，不但未能保護皮膚，更會使真皮層冷卻，大大影響脫毛效果！
了解過後, 療程總監就帶我入治療室準備開始首次既脫毛療程。 治療室同樣係以白色為主, 給人一種乾淨感覺, 治療師先幫我清潔面部, 再向我了解想脫毛既位置由髮邊邊度開始, 過程完全有互動溝通, 然後再進行PRO-Test，確保我的皮膚在安全的情況下接受激光療程，就可正式開始!
過程不用很耐, 亦完全唔覺痛, 期間每做一下前, 治療師會先話我知會做邊一個位置, 又會問我感覺如何, 完成後再叮囑要勤做補水及防曬功夫就可以, 相當細心及專業! 接待員更會即時幫你預約埋下次療程日期, 無需擔心約唔到!
無論即場及第二日, 皮膚都無紅腫及不適情況出現, 好期待下一次療程呀.........................如果你都想好似我咁安全舒適咁脫去面上毛毛，就立即登記(https://goo.gl/c0dC1q)免費體驗PRO-Test，再享用讀者專享7折優惠啦!
品牌網址：
療程由品牌提供分享
MediLASE
微博: http://weibo.com/medilase
weChat : MediLASE無痛激光永久脫毛
contact me : gingerszeto@yahoo.com.hk
望住咁靚既夜景食飯, 係咪會好味D呢?
餐廳位於21樓, 居高臨下, 美景盡入眼簾, 我地一行8人坐於長枱, 昏暗燈光營造舒適環境, 開放式廚房不時傳來食物香味, 咁既配搭, 未食先興奮^^
食物選擇唔少, 我地七嘴八舌討論食咩都擾攘左一輪, 點菜後, 侍應送上熱辣辣麵包, 肚餓中特別覺得好食!
開餐時間由前菜開始, 呢款係澳洲和牛生薄切片, 配上芝士碎及火箭菜夾埋一齊食, 生牛肉片軟滑, 無肉腥味!
另外一款係36個月伊比利火腿, 肉質充滿油光, 肥肉分佈算幾均勻, 幾有咸香味, 佐以檻欖及多士食, 口感豐富!
照顧女士們需要, 當然要點個海鮮版凱撒沙律, 基本配料有齊, 海鮮包括帶子, 魚塊及鮮蝦, 絶不欺場!
朋友介紹要試呢度既蟹餅, 切開果然見到大量蟹肉做餡料, 兩面煎到金黃色, 食落內脆外軟, 又真係唔錯喎!
朋友點了白酒用黎配生蠔, 賣相相當靚仔, 上層係幾款醬汁, 下層係一打生蠔, 今晚生蠔海水味偏淡, 入口較creamy, 食落頗鮮味!
到了主菜出場, 呢個Tomahawk送上枱時, 個個都無不哇左一聲, 紛紛"相機食先", 份量相當勁, 足夠2-3人開心share, 當影完相後, 細心既侍應會幫我地拎返去請廚師代切, 我地點左medium rare, 切開後仍然見到紅色, 肉質比較有咬口, 下次應該可以叫熟返少少, 咁就會出到多D肉香味! 附有多款醬汁比你配食!
當中有人唔食牛, 佢自選左呢款羊架, 切開仍然帶點嫩粉紅色, 食落肉質嫩滑, 無需多咀嚼就可吞落肚, 個人覺得出色過牛肉!
食到呢到.............都已經好飽, 但見呢度有埋甜品供應, 就當然叫左幾款, 當中比較深得我歡心既係呢款Apple Crumble, 份量同賣相都吸睛, 食落有酸甜蘋果片, 配以濃味雲呢拿雪球一齊食, 一凍一熱, 為呢餐製造了一個完美句號!
環境靚, 服務好,食物質數高, 價錢當然有返咁上下, 但食得開心, 花多少少錢都好合理呀...................哈!
地址 ：尖沙咀彌敦道100號The One 21樓
contact me : gingerszeto@yahoo.com.hk
點解成日都想有嬰兒般既皮膚? 皆因佢地真係幼嫩無暇, 觸感充滿彈性, 但隨著時光流走, 皮膚底層流失水份同營養, 細胞開始衰老, 令到皮膚失去彈性, 外表望落去不再年青! 想KEEP住年青, 多為皮膚補充骨膠原可算係有效方法之一! 唔通真係要成日食豬手呢D膠質高既食品? 我諗未有效都已經肥死..............哈!
想吸收多D骨膠原, 不外乎外搽內服兩面夾攻, 選用含骨膠原成分既日常護膚品; 內服坊間一D含/刺激骨膠原增生既補充飲品, 方便又易入口, 都係一個唔錯既選擇!
係時候要去花墟買花, 買完就近近地睇下附近有咩食, 見到呢間日本菜食店有拉麵, 烏冬, 爐端燒, 好似幾多樣化, 三心兩意的同行友人就話試下!
內裏面積一眼見晒, 大約有七至八張枱, 好彩早入座唔駛係門外等位, 果然早起的鳥兒無需等好耐位都有蟲食............哈!
先黎個刺身, 分別叫左一客三文魚腩 (4切), 厚切口感夠晒, 但以腩黎講唔算太肥美; 另外下方係鯛魚18切, 切得夠晒薄, 點上醋/(柚子汁?), 酸酸地好味道!
呢個真係未食過既叫薯絲野菜沙律, 份量都幾幾, 底層係以青瓜, 蕃茄, 露荀及紫椰菜作伴菜, 每口都新鮮爽脆, 感覺好清新, 再以炸左既薯絲鋪面, 食落好有薯味, 最驚喜係唔覺油膩, 好味道!
食開炸物有條癮, 呢款係柚子味炸鷄, 一客大約有6-7件, 鷄肉炸得皮脆肉嫩, 食時點一下底部既柚子汁及夾埋D䓤絲一齊食, 熱辣辣好正呀!
點多個炸蝦天婦羅, 一客有2隻蝦, 蔬菜類有南瓜, 蕃薯, 冬菇, 食時香脆唔油膩, 炸醬整得唔厚身, 唔會食到一口脆物都未食到食材
呢條係叫做一夜干, 係就係細條左D, 但燒得好香口, 肉又唔會燒乾身, 用黎送酒都唔錯
仲食得落就叫多個冷烏冬, 我鐘意比較有咬口既, 所以放棄稻亭烏冬, 呢個就正正岩晒我口感, 倒埋隻蛋及芥末伴落冷汁一齊食, 我一人都KO得晒!
總括黎講呢間店既食物水準唔錯, 侍應服務態度OK, 唔怪之得門口不斷都有人等緊位!
