開餐開到去觀塘工業區, 全因好多新餐廳係呢度開, 想試新野?! 無難度啦!
朋友推介呢間坐落於新改建既工業大廈(THE WAVE)既THE STADIUM開餐
打開升降機門, 就見到張遊戲係餐廳門口, 再行入少少仲有張波係度, 咪以為係擺設, 走既時條我見到係有客係度篤波架
成間餐廳佔地六千呎, 真係好少見, 裝飾帶點工業風味道, 好岩三五知己或一大班年青人黎開餐
穿上一身運動服裝既侍應送上餐品牌, 發現食物選擇都唔少, 有沙律, 意粉, 漢堡包, 炸魚薯條, 肉類及美式小食, 飲品
落左幾款菜式, 一於邊睇電視播出既球類比賽(非常切合餐廳主題), 一邊等食
先試下呢個特色球迷沙律($88) - 份量都唔少, 材料包括沙律菜, 疍, 無花果(好甜),松子粒, 黑豆, 栗米及車厘茄, 配埋特色醬汁, 味道酸甜, 好開胃!
主菜方面, 點左1) 美國極黑毛豬 (10安士/$128) - 賣相吸引, 肉質嫩滑多汁, 有相當厚度, 切成一口配以特色醬汁, 非常可口, 友人表示好滿意!
![]()
2) 原隻燒春鷄 ($118) - 放上已經聞到好香燒烤味, 春鷄份量適中, 切開見到肉質唔會燒到好乾, 食到鷄肶位置仲好嫩滑; 食埋佢既配菜燒茄子, 薯仔及西椒, 滿足感大升!
想增加下澱粉質, 就叫多個海鮮意粉 ($128) - 份量夠二人分享, 海鮮包括帶子, 青口, 魷魚, 蝦及魚塊, 好足料呀, 扁意粉軟硬度適中, 配埋佢既蕃茄醬汁, 好快就被我地KO晒! (建議若然喜歡食辣, 可自行加TOBASCO, 酸酸辣辣, 令人愈食愈想食!)
係呢度開餐, 除左坐得舒適, 食物好味, 飯後仲可以係呢度飲下野, 吹下水, 絶唔會限你要幾多分鐘要交, 下次一定要試下佢既手工BEER
The Stadium : 觀塘興業街4號The Wave 4樓
contact me : gingerszeto@yahoo.com.hk
又快到夏天, 美白產品係時候又出動啦, 眼見韓國女士個個皮膚亮白, 對韓國出品既護膚品特別有信心
韓國專業醫學美容品牌BRTC 全新推出的Centellascar積雪草去疤系列 ，採用革命性活性成分積雪草萃取物，促進傷口癒合及舒緩肌膚，給予肌膚新轉機。
呢支係積雪草90精華液Centella 90 Ampoule ($304 / 30ml )
積雪草90精華液則蜂膠萃取物及分子釘-3配合積雪草發揮作用，有效修復皮膚脂質層，平滑肌膚紋理，同時達致美白與抗皺效果。
積雪草90精華液具備美白及抗皺雙重功效，有效平滑肌膚紋理，修復皮膚脂質層，同時改善肌膚保濕力，用後保濕舒緩，恢復健康潤澤的肌膚。配方除通過臨床皮膚敏感測試，更經臨床證實連續使用2星期後：
皮膚保濕度提升
皮膚密度提升
皮膚彈性提升
皮膚泛紅情況減退
滴管式設計, 透明完液質地, 好易推開
使用方法
1. 早晚潔面及爽膚後，塗適量份量於面上，當作精華步驟使用。
2. 輕輕拍打按摩直至完全吸收，接續塗上面霜。
塗完好快被皮膚所吸收, 無笠身感覺, 好岩呢排咁悶熱既潮濕日子使用! 用後膚色變得明亮袪暗啞, 摸落更覺有彈性, 而且價錢親民, 不枉我對韓國護膚品有偏好^^
莎莎獨家發售
此產品由品牌提供, 內容純個人感受
contact me : gingerszeto@yahoo.com.hk
現今女士, 日頭忙於工作, 壓力大, 長時間受到電腦MON既紫外線侵害, 加上化妝關係; 返到家中, 食完晚飯沖完涼, 又會上網/煲劇, 搞到好夜先上床休息
以上係咪你既寫照呢? 我就一定係!! 照鏡時, 發現皮膚出垷暗啞, 幼紋, 色斑及鬆弛, 要改善根本問題, 除左改善生活習慣外, 亦要注意肌底護理, 使用肌底精華, 強化肌底DNA方為上策!
呢支就係ASANA最新出的一秒神水 ($333/150ml)
佢係一支肌底精華, 能有效1秒滲透，強化肌底DNA及保濕系統、59秒令肌膚回復濕潤; 更可打開肌膚滲透管道，放大吸收能力，令後續產品迅速滲入肌膚底層、加倍發揮功效
6種天然酵素的成份:
玄米乳酸菌發酵精華、清酒酵母發酵精華、大豆乳酸菌發酵精華、豆奶乳酸菌發酵精華、槲寄生酵母發酵精華及白茅根酵母發酵精華
韓國研製 - 無酒精‧ 無香料‧ 全天然‧ 敏感皮膚都啱用
樽身刻有份量度, 建議用1/2刻度份量浸濕化妝棉
使用方法有3個:
1) 日常用(肌膚回復年輕活力)
早晚潔面後即用, 將"一秒神水"浸濕化妝棉, 用化妝棉內面輕拍面頰, 再反轉用外面輕拍前額以增加吸收
2) 敷面用(深層補濕緊緻)
將面膜紙放於清潔容器中, 倒入"一秒神水", 待面膜紙被精華充份浸透後, 再慢慢展開, 輕柔地敷於面上約15-20分鐘
3) 急救用(告別乾燥肌膚)
洗臉後, 將"一秒神水"浸透化妝棉, 直接敷於兩頰, 脫皮及暗啞部位約10分鐘, 為肌膚快速補充水份
早晚使用, 都幾快被皮膚所吸收, 之後感覺皮膚好似飲飽水咁, 就算未能即時搽後續既護膚品都唔會覺繃緊; 連續使用, 膚色退暗啞, 毛孔望落細緻
效果令我滿意, 加上價錢親民, 一支都可用上一段日子, 識得用當然要轉用呢支"一秒神水"啦
想再了解多D? 即上 : http://no1.asana.com.hk/
萬寧有售
試用產品及產品說明由ASANA 提供
contact me : gingerszeto@yahoo.com.hk
提起日本放題, 好多時都會去旺角/尖沙咀附近, 出開藍田探完朋友, 開餐時間發現呢個商場有呢間日式放題, "餓底"上身之際咁就試下呢間!
好彩早D去到, 一入去已經見到坐滿八成, 面上放置左一系列既點餐紙, 見佢種類都算幾多
放題包任飲罐裝飲品, 望下仲會發現有甜品專區, 鍾意飲咩食咩甜品就隨便自己
起動吧.............食日式放題, 點可以無刺身呀?
上賣相都算吸引, 點了幾款包括三文魚(味道幾鮮味), 甜蝦(頗大隻, 鮮甜感OK), 貝柱粒及魷魚都有口感, 唔會食到好大陣雪味
壽司大細適中, 唔會用太大舊飯"質飽"你, 呢款馬都貝壽司食落爽口, 推介呀
沙律小食方面都叫左幾款, 蟹子沙律好味; 枝豆食到豆甜味
天婦羅都以蔬果為主, 有南瓜(唔太甜), 蕃薯(香甜), 炸蝦(蝦肉唔係"梅"), 若然可以配埋專用醬汁一齊食會仲好味D
串燒我地叫左鷄軟骨(有咬口); 秋刀魚好大條, 燒到幾香口, 肉都嫩; 紫蕃薯仔都幾香甜, 一啖一舊岩岩好, 全部都熱辣辣上都幾唔錯
個人好推介個燒菠蘿, 甜度有仲要燒到一咬就有汁標出黎, 估佢唔到咁好味道
每人埋單都係一百八十幾蚊, 有飲有食, 包你食到肚腩都走埋出來, 難怪咁受人客歡迎
地址 : 藍田啟田商場2樓207號舖
contact me : gingerszeto@yahoo.com.hk
假期中相約友人食野傾計, 近近地就選擇觀塘區呢間新開既韓式咖啡店, 裝飾新穎充滿時代感, 開陽式設計比人一種輕鬆感覺
店內不時播放著K-POP MUSIC SHOW, 一邊食一邊欣賞MUSIC SHOW, 催眠自己身處韓國咖啡小店....哈!
餐牌食物選擇都算唔少, 有韓式湯面, 芝士鍋飯, 炸鷄, 韓式豬手, 沙律, 飲品及甜品都有, 望清楚早市特設港式早餐, 可能照顧埋附近返工既人士
好啦.....肚餓啦, 叫左以下食物, 先黎個沙律開下胃, 呢個係鮮果明蝦沙律($78)
份量都唔少, 色彩繽紛, 令人望見都胃口大增, STRAWBERRY 味道香甜, 而隻鮮蝦係就咁白烚, 食落似係有煎煮過, 食落幾彈牙!
跟住點左呢個韓醬肋燴牛肋刀切面($68)
個醬一D都唔辣, 怕辣既友人都可以食到, 牛肋肉唔軔, 唯刀切面個人覺得腍左D, 份量足夠二人分享
重頭菜黎啦........................溶岩芝士炸鷄面包 ($108)
一客份量有7-8舊炸鷄, 皮香肉嫩, 侍應教我地先點面包內既溶岩芝士, 然後再點一些碟邊既千島醬一齊食....................WOW.....真係好正, 一啖有齊芝士既香滑同酸甜既千島醬味道, 食到停唔到口, 身為芝士控既我又點可以停口呢!
食晒炸鷄後, 我地當然連呢個焗到咁香口既面包都唔會放過啦, 用刀切開再點埋芝士及千島醬食............似食吐司一樣, 就算肚皮已經增多吋都唔捨得唔食
食到呢到我地開始後悔, 食到好飽, 想食個韓式甜品都食唔落啦, 唯有安慰自己下次一定會返黎再食既....................你等我呀...............................
地址 : 觀塘觀塘道410號觀點中心1樓1號舖
contact me : gingerszeto@yahoo.com.hk
經過槍街, 發現呢頭附近出現左好多唔同類型既食店, 尤其係開左好多甜品舖, 於是就係呢度開餐, 咁之後就可以試埋其他甜品舖
呢間裝修咁精緻既西餐廳, 面積雖然唔大, 但比人舒適既感覺
打開餐牌, 見佢有晚餐, 包餐湯/沙律, 主菜任選一款, 甜品及餐飲, 價錢OK, 主菜食物選擇都幾多, 咁就一於食晚餐
是日餐湯係磨菇湯/蕃茄湯(配小面包一片), 咁就一於每人點一款, 磨菇湯夠晒菇味, 而蕃茄湯就似蕃茄濃湯, 兩款湯仲要夠熱, LIKE!
主菜就選香煎帶子伴蟹肉意大利飯 ($159)
賣相吸引, 份量亦唔少, 帶子粒配以鮮甜蟹肉, 配料仲包括甜椒及菌類, 飯粒吸收晒D汁, 口感適中, 唔會太硬/腍, 好味道!
呢款係熔岩芝士豬肋骨意大利飯 ($189)
以鐵鍋上, 熱辣辣既芝士汁係鍋邊係咁繼續煮, 香味已經令人流口水, 睇住D芝士係咁熔化, 令我已經開始失控
呢份牛肋骨都有成8條骨, 用熔左既芝士包住一齊食, 哇............不得了啦, 食完肋骨, 再食埋底下既意大利飯, 撈埋D芝士汁一齊, 真係好邪惡呀!
餐包埋精選甜品(奶凍)或自選口味雪糕球一客, 食完呢餐好滿足呢
食物水準唔錯, 服務OK, 埋單兩位三百幾蚊, 都算幾抵食
ＯＣＩＯ地址 ：旺角煙廠街33號朗廷軒地下B舖
contact me : gingerszeto@yahoo.com.hk
每次想食德國菜, 就一定第一時間諗起呢間, 突然心血來潮想食, 無訂位情況下雖唯有早D去食, 大約五點幾已經入座, 仲可以有HAPPY HOUR
HAPPY HOUR又點少得黎杯冰凍BEER呢..............CHEERS~~
有酒又點少得馳名燒豬手, 燒得皮香肉嫩, 每次黎到都必定要叫, 侍應幫我地分埋, 一聽到落刀切開果下"喳喳聲", 連隨肉香就會一齊聞到, 口水都流晒
一客份量都唔少, 足夠我地四人分享! 覺得"漏"?!, 可以食下佢伴碟既酸椰菜, 別有一番風味!
德國菜當中當然唔少得香腸啦, 咸香肉腸配酒就真係一流, 幾款香腸每款都有唔同性格, 有D皮脆, 有D就腍滑, 都幾得意
配埋薯仔塊食, 都幾滿足!
友人想食薯餅, 於是又點埋呢款鴨肶配薯餅
薯餅煎到好香口, 啖啖都充滿薯味, 而隻鴨肶充滿鴨香味, 配少少蘋果茸一齊食, 友人食過讚不絕口
大杯酒, 大塊肉, 豪情暢飲, 果然夠爽! 侍應服務令人滿意, 係我地食德國菜中既首選餐廳
地址 : 尖沙咀港鐵尖東站32號舖
contact me : gingerszeto@yahoo.com.hk
