通菜街一頭食店很多, 友人想食日本菜, 見呢間門口餐牌價錢幾岩就試下
店內有上下兩層, 樓下仲有位就坐樓下, 裝飾就一般港式日本餐廳, 枱與枱之間空間都幾窄
肚餓指數高, 快快手就叫左以下食物
鰻魚炒飯 ($55) - 份量唔細碟, 炒得幾乾身, 鰻魚粒加上紫菜碎一齊食, 幾好味
角切魚生飯 ($50) - 超抵食, 白飯量足夠2人食, 配以三文魚, 鯛魚, 蟹柳, 甜疍, 蟹子及三文魚子
海膽鐵火卷 ($50) - 一客4大舊, 面頭有一小海膽配以黑魚子, 再用酥皮包住飯卷, 中間有吞拿魚及菜絲, 味道好一般, 酥皮配白菜一齊食, 有D古怪, 情願用返紫菜!
最後加多個小食 - 汁燒魷魚后筒 ($52)
汁燒味道唔錯, 魷魚咬落都算JUICY
當晚入座率差唔多爆滿, 但好明顯侍應數目唔夠, 無論落單或埋單都要等好耐, 希望有所改善下啦!
地址 : 旺角通菜街17號地下及1樓
contact me : gingerszeto@yahoo.com.hk
又係尖沙咀搵食, 今次與友人一齊食日式燒肉, 行下行下就去到呢間
行入店內發現面積幾大, 放置大圓枱, 燈光昏暗, 燈光營造出一點型格潮味
中間位置特設長枱房間, 岩晒一大班朋友開懷暢飲, 燈光箱砌出"NO BEEF NO LIFE", 夠晒貼題又有玩味
講明"NO BEEF NO LIFE", 當然要燒牛肉啦, 侍應提議呢個牛肉拼盤($390), 仲話每日只選最靚部位的肉, 所以每日拼盤肉類部位會唔同
侍應見我地鷄手鴨腳, 體貼地幫我地燒埋, 確保客人食到最正既牛肉! 呢款係厚燒牛舌 - 好有口感又多汁, 只需配檸檬汁就食得!
牛腿扒, 配以炸蒜片加少少wasabi加豉油, 肉汁爆入我口腔內
三角小排 - 厚切食落有口感
頂級牛小排 - 雪花狀食落充滿油香, 入口即融, 點少少豉油即可
腿肉Shabu - 只需燒一燒即可, 肉質非常腍滑
肩脥小排 - 亦係肉質腍滑, 輕輕咀嚼已跌進喉嚨
燒鷄胸軟骨 ($70) - 有辣粉調一調, 食落爽脆, 加少少檸檬汁又ok~
柚子胡椒鷄腿肉 ($70) - 肉質嫩滑, 鷄皮被燒脆後食, 真係皮脆肉嫩, 食落有柚子胡椒味, 證明鷄肉有比時間去入味
餐牌上仲有其他熟食供應
雖然係日式燒肉, 居然發現有韓式食品, 於是叫左海鮮煎餅($90) - 外形似一個旦包飯, 餡料充滿蝦及魷魚, 燒得幾香口, 配以特製醬汁食, 好味!
牛肉石頭鍋飯 ($90) - 足夠2-3人食, 好多配料, 另設湯品, 侍應為我地撈勻再壓於鍋邊(可造出飯焦), 熱辣辣牛肉飯, 我唔客氣啦!
好豐富既一餐呀, 有肉有飯, 腰圍又多左吋! 侍應招呼週到, 食得暢快, 又唔限你幾點要交枱, 愛燒肉既朋友要黎啦!
298 Nikuya Kitchen地址 : 尖沙咀金馬倫道48號中國保險大廈3樓
contact me : gingerszeto@yahoo.com.hk
打開報紙, 見到各旅行社紛紛推出賞櫻團廣告, 就知又黎到賞櫻季節, 四周滿佈住浪漫粉紅色
櫻花就未有得去賞住, 但呢份粉紅色浪漫就已經黎到我家中, 原因係今個春天，LUX LUMINIQUE以香氣讓我體驗這份和風浪漫，呈獻《日本製》《期間限定》的LUX LUMINIQUE夢之櫻花洗護套裝，讓秀髮感受無矽の柔順閃耀。奢華的櫻花高雅清淡香氛，加上綿密泡沫，可減低洗髮時的摩擦，令妳豐盈秀髮隨風舞動，時刻散發雅緻的櫻花香，滿載春天氣息。
LUXLUMINIQUE繼續與國際香氛專家擕手調配出專屬春天的櫻花香氣，添加源自天然的櫻花萃取成分，LUX LUMINIQUE夢之櫻花洗護系列以奢華雅緻的櫻花香為主調，佐以睡蓮等優美花香，加上前調莓果等水果香氛及後調的檀香麝香，精心調配出恬靜怡人清香，讓洗髮護髮如沐於櫻花池中，讓熱愛日本或櫻花的女性無須遠赴日本，也可以享受LUX LUMINIQUE為妳準備的和風浪漫！
《日本製》的LUX LUMINIQUE夢之櫻花洗護套裝包括洗髮乳及護髮膜，均添加了萃取自天然櫻花的保濕成分，幫助滋潤保濕秀髮，洗後柔順不乾澀，櫻花香氣四溢。
洗髮乳無矽(non-silicone)配方加上LUX LUMINIQUE系列獨家研製的細緻泡沫技術, 能深層潔淨並深入髪芯修護，護髮膜深層滋養、撫平毛燥。
將2種抑制糾結成分Guar Hydroxypropyltrimonium Chloride及POLYQUATERNIUM-10以完美比例添加，可抑制秀髮的糾結現象，而綿密泡沫可減少洗髮時髮絲摩擦。
香味清新, 可做出綿密泡沫, 過水都容易
護髮膜能深層滋養、撫平毛燥。讓頭髮柔順不糾結
亦帶有清香花味, 2揼份量已足夠塗搽頭髮(避開髮根位置)
使用後, 頭髮變得柔順易梳, 而清新花味餘香亦可維持半日, 將呢份粉紅和風仍繞身上
全新LUX LUMINIQUE 夢之櫻花洗護套裝
HK$ 159.9 /450g+450g
(護髮膜與洗髮乳以套裝期間限定發售，不設單件發售。)
LUMINIQUE夢之櫻花洗護套裝將於2016年2月26日閃耀瑰麗登場！當然還有玫瑰修護系列及尤加利舒壓系列以供選擇。
於全線萬寧獨賣。
以上產品由品牌提供, 內容純個人感受
contact me : gingerszeto@yahoo.com.hk
唔知幾時砵蘭街一帶開左咁多唔同類型食店, 有韓燒, 甜品店, 今晚去左呢間西餐廳 - Amour Corner
餐廳面積唔大, 燈光昏暗, 幾有情調, 都幾適合二人世界, 設有酒類供應, 亦適合三五知己黎摸下酒杯底
望下餐牌有海鮮拼盤($228)供應, 一於叫個試下! 賣相幾吸引, 望落食材亦覺新鮮
法國N4蠔幾有蠔味, 但薄身左D; 西班牙大蝦都真係幾大隻, 有大半隻叉SIZE, 肉幾彈口; 鮑魚都幾有鮑魚味, 唔錯!
見佢已經出左情人節套餐(2月14日), 但未食得住; 所以今晚叫呢個二人晚餐($298)
頭盤有香煎鵝肝多士 (好香鵝油味, 多士好脆, 好味)及巴馬火腿蜜瓜 (蜜瓜既甜味配火腿咸香, 好過癮)
餐湯係磨菇湯(好淡, 似無落調味, 但我接受到), 再有凱撒沙律 (清一清味蕾以等待主菜)
主菜可7選2,
我地㨂左牛柳扒及羊架
牛柳扒點左七成熟, 切開中間仲見到少少紅肉, 無overdone, 加分! 肉質多汁嫩滑, 配埋香滑薯容都飽肚
羊架一客有3件, 亦點左7成熟, 肉質食落滿口香草味, 唔太"蘇", 喜歡食羊既朋友好快就清晒!
晚餐仲包括意式奶凍配雪糕窩夫加餐飲, 我加$10轉飲Mocha, 味道香滑, 值得加錢
二百幾蚊已經有咁豐富既二人晚餐, 加多個海鮮拼盤都唔駛六百
味道唔錯之餘又食得有情調, 侍應服務都幾令人滿意, 要向朋友推介呀!
Amour Corner地址 : 旺角砵蘭街106號地下
contact me : gingerszeto@yahoo.com.hk
每次去做皮膚分析, 美容顧問總會向我反映皮膚問題係缺水, 原因離不開角質層厚, 所以無論搽幾多護膚品都唔能夠滲入到皮膚底層! 正因為咁我要上去水靚堂改善一下我既皮膚問題
初次上到黎, 被佢眼前既美麗景色所吸引住, 環境舒適, 提供一個寧靜地方供客人享受一個變靚旅程
水靚堂主打醫學美容療程, 所使用既產品都係純天然! 而療程房間寬闊舒適, 引進各先進儀器, 務求帶比客人有效果既療程服務
呢部就係進行Pristine鑽石微雕換膚療程所使用既儀器, 配備大細雕頭
適用於面部及身體肌膚
無痛, 護理後可即時回復正常工作及社交
能有效撫平幼紋及乾紋
重建暗淡蠟黃,缺乏彈性之皮膚
淡化雀斑, 色素斑
改善毛孔粗大, 黑頭及白頭粉刺
增加皮膚對保養品之吸收率
利用鑲有精細天然鑽石顆粒之微雕頭, 能快速褪去皮膚表面的老化角質, 再配合其真空抽吸技術, 能有效促進皮膚之血液循環, 刺激骨膠原和彈性疍白增生, 以達至改善膚質的效果! 先用大雕頭於額頭, 下巴, 面頰及鼻; 然後再換細雕頭於眼部係咀部位置進行磨雕! 放心........只感到皮膚被輕輕吸吮, 有如進行深層按摩般!
過程大約10分鐘便可, 完成後會感到皮膚變滑及亮白; 而設有獨立濾芯設計,清潔衛生, 睇下D污垢已經被吸走
療程仲未完架, 係皮膚咁潔淨情況下, 吸收速度都快過人, 絶對要把握呢個黃金時間, 導入營養給皮膚是常識吧..............哈
利用導入儀器, 將有碧蘿子成份維他命C精華帶入皮膚, 對於我皮膚狀況, 可改善賀爾蒙斑加美白效果
整個療程就完成啦, 睇下皮膚變得亮白, 退減暗黃感, 毛孔亦變得收細, 望落年輕感增加! 更意外地得到提升線條效果(當BONUS啦.....哈)
一次療程已有顯著效果, 無痛又唔駛等復原期, 一定要定時進行先可以幫到我改善皮膚問題
水靚堂地址 : 香港九龍尖沙咀加連威老道77-79號開麟中心20樓
電話: 3543 5988
網址 : www.WaterFair.com.hk
contact me : gingerszeto@yahoo.com.hk